९ मंसिर २०७८, बिहीबार ०३:४४ बुधवार साप्ताहिक, नयाँबानेश्वर, काठमाण्डौं

महाधिवेशनमा सहभागी हुन अध्यक्ष ओली आज चितवन जाँदै

९ मंसिर, काठमाडौं । पार्टीको दशौँ महाधिवेशनमा सहभागी हुन नेकपा (एमाले) का अध्यक्ष केपी शर्मा ओली आज चितवन जाँदै छन्।

बिहीबार बिहान ११: ३० बजे बुद्ध एयरको बिमानबाट ओली चितवन आउने एमाले केन्द्रिय सदस्य तथा कार्यालय सचिव शेरबहादुर तामाङले जानकारी दिए। एमालेको १० औँ महाधिवेशन मंसिर १० देखि १२ गतेसम्म चितवनमा हुँदैछ।

अध्यक्ष कमरेड आज बिहान ११:३० मा बुद्ध एयरबाट चितवन आउनुहुन्छ, १ बजे महाधिवेशनसँग सम्बन्धित एउटा बैठकमा सहभागी हुने कार्यक्रम छ, त्यसपछि
महाधिवेशन उदघाटन हुने मन्च निरीक्षण गरेर सौराहा जानुहुनेछ, तामाङले भने ।

एमालेको महाधिवेशनको लागि प्रतिनिधिहरु चितवन आउने क्रम जारी छ। सौराहा र भरतपुरमा अहिले एमालेका धेरै नेताहरू बसिरहेका छन्।