२२ फाल्गुन २०७८, आईतवार ०९:११ बुधवार साप्ताहिक, नयाँबानेश्वर, काठमाण्डौं

माधव नेपालले भने : संसद विघटन गरेर ‘अर्ली इलेक्सन’मा जाऊँ

२२ फागुन, काठमाडौं । सत्ता साझेदार नेकपा एकीकृत समाजवादी पार्टीका अध्यक्ष माधवकुमार नेपालले संसद विघटन गरेर ‘अर्ली इलेक्सन’मा जाँदा उचित हुने बताएका छन्।

आइतवार नयाँ बानेश्वरमा सञ्चारकर्मीहरुसँगको कुराकानीका क्रममा उनले प्रमुख प्रतिपक्षी नेकपा एमालेले संसद चल्न नदिएर दु:ख दिइरहेको भन्दै ‘अर्ली इलेक्सन’मा जाँदा उचित हुने बताएका हुन्।

एमालेले संसद चल्न नदिएर हामीलाई दुःख दिइरहेको छ, उनले भने, अझै पनि यस्तो अन्त्य नहुने हो भने संसद विघटन गरेर ‘अर्ली इलेक्सन’मा जानुपर्छ।