१४ फाल्गुन २०७८, शनिबार १०:२० बुधवार साप्ताहिक, नयाँबानेश्वर, काठमाण्डौं

रुसद्वारा युक्रेनको मोलिटोपोल शहर कब्जा

१४ फागुन, काठमाडौं । रुसको रक्षा मन्त्रालयले युक्रेनको प्रमुख बन्दरगाह मारिउपोल नजिकैको मोलिटोपोल शहरलाई नियन्त्रणमा लिएको बताएको छ ।

रुसले युक्रेनमाथि गत बिहीबार आक्रमण शुरु गरेयता पहिलो पटक महत्वपूर्ण शहरमा कब्जा जमाएको हो । रुसले राजधानी शहर किभमा पनि शुक्रबारदेखि निरन्तर आक्रमण गरिरहेको छ । यद्यपि युक्रेनको सेनाले त्यसको कडा प्रतिकार पनि गरिरहेको अन्तर्राष्ट्रिय सञ्चारमाध्यमहरुले बताएका छन् ।

मेलिटोपोल माध्यम आकारको शहर हो । यो शहर युक्रेनको दक्षिणी क्षेत्र जापोरिझयामा पर्छ । यो शहरको जनसंख्या करिब एक लाख ५० हजार रहेको अनुमान छ । यसैबीच फ्रान्सले युक्रेनलाई रुससँग लड्न हतियार सहयोग पठाएको छ ।

युक्रेनका राष्ट्रपति भोलेदिमिर जेलेन्स्कीले सामाजिक सञ्जाल ट्वीटरमार्फ फ्रान्सबाट हतियार सहयोग आइरहेको जानकारी दिएका हुन् । उनले अहिले युद्धविरोधी गठबन्धनको विकास भइरहेको उल्लेख गरेका छन् जेलेन्स्कीले फ्रान्सका राष्ट्रपति इम्यानुअल म्यक्रोंसँग शनिबार बिहान वार्ता भएको जानकारी दिएका छन् । शनिबार म्याक्रोंले एक भिडियो सार्वजनिक गर्दै अब युद्ध सकिने र त्यसको लागि तयार रहनुपर्ने उल्लेख गरेका छन् । एजेन्सी