२४ चैत्र २०७८, बिहीबार ०७:०२ बुधवार साप्ताहिक, नयाँबानेश्वर, काठमाण्डौं

एमाले महासचिवसहितको टोली निर्वाचन आयोग जाँदै, ज्ञापनपत्र बुझाउने

२४ चैत, काठमाडौं । नेकपा एमालेका महासचिव शंकर पोखरेलसहितको एउटा टोली निर्वाचन आयोग जाने भएको छ।
बिहीबार दिउँसो १ बजे महासचिव पोखरेलसहितका नेताहरु आचारसहिंताबारे ध्यानाकर्षण गराउन आयोगमा जान लागेको हो।

महासचिव पोखरेलसँग कानुन विभाग प्रमुख रमेश बडाल, निर्वाचन विभाग प्रमुख विष्णु रिमालसहितका नेताहरु जाने भएका छ्न।

उनीहरुले निर्वाचन आचारसंहिताबारे आयोगका प्रमुख आयुक्त दिनेश थपलियालाई ज्ञापनपत्र बुझाउने भएका छन्।

एमालेले यसअघि मंगलबार भएको छलफलमा आगामी वैशाख ३० गते हुन लागेको स्थानीय तह निर्वाचनका लागि निर्वाचन आयोगले जारी गर्ने भनिएको आचारसंहितामा हस्ताक्षर गर्न अस्वीकार गरेको थियो।

आयोगको आचारसंहितासम्बन्धी प्रतिवद्धता पत्रलाई लिएर साना दलहरुले चर्को विरोध गरेपछि अवस्था तनावपूर्ण भएको भन्दै एमालेले हस्ताक्षर गर्न मानेको थिएन।

आयोगले आचारसिंहताबारेमा राजनीतिक दलहरूबाट प्राप्त सुझाव समेटी राजपत्रमा प्रकाशित गर्नका लागि प्रतिवद्धता पत्रमा हस्ताक्षरका लागि दलहरूलाई मंगलबार बोलाएको थियो।