२६ असार २०७९, आईतवार ०१:४१ बुधवार साप्ताहिक, नयाँबानेश्वर, काठमाण्डौं

बुढीगंगाको मतगणना : एमालेको अग्रता कायमै

२६ असार, काठमाडौं । बाजुराको बुढीगंगा नगरपालिकामा जारी मतगणनाको हालसम्मको परिणाम अनुसार नेपाली कांग्रेसले नेकपा एमालेसँगको अग्रता घटाएको छ ।

पछिल्लो विवरणअनुसार ७,४१७ मत गणना हुँदा मेयरका उम्मेद्वार एमालेका रामबहादुर बानियाँले ३,८८१ मत ल्याएका छन् । उनलाई पछ्याइरहेका कांग्रेसका रंगबहादुर खातीले ३,१०१ मत ल्याएका छन् । उनीहरूबीच ७८० मतको फरक छ ।
उपमेयरमा एमालेकी मायाकुमारी खड्काले ३,७५३ ल्याएकी छन् । कांग्रेसकी रिता शाहले ३,१५३ मत ल्याएकी छन् । एमालेकी खड्का ६०० मतले अगाडि छन् ।

गत बिहीबार भएको मतदानमा बुढीगंगामा ९,१२८ मत खसेको थियो । अब १,७११ मत गन्न बाँकी रहेको जनाइएको छ । नगरका १० वडमध्ये आइतबार बिहानसम्म ८ वडाको अन्तिम परिणाम सार्वजनिक भइसकेको छ । जसमा एमालेले पाँच तथा कांग्रेसले तीन वडामा जित निकालेको छ । एमालेले वडा नम्बर १, २, ३, ९ र १० मा तथा कांग्रेसले वडा नम्बर ४, ७ र ८ मा जित निकालेको छ ।