७ भाद्र २०७९, मंगलवार ११:५१ बुधवार साप्ताहिक, नयाँबानेश्वर, काठमाण्डौं

एमालेले माओवादीसँग तालमेल नगर्ने, एक्लै गठबन्धनको सामना गर्ने

७ भदौ, काठमाडौं । प्रमुख प्रतिपक्षी दल नेकपा एमालेले आउँदो मंसिर ४ गते हुने प्रदेश र प्रतिनिधिसभा निर्वाचनमा नेकपा माओवादी केन्द्रसँग तालमेल नगर्ने निष्कर्ष निकालेको छ ।

आज पार्टी केन्द्रीय कार्यालय च्यासलमा बसेको स्थायी कमिटीको बैठकले उक्त निष्कर्ष निकालेको पार्टी प्रचार विभाग प्रमुख एवम् प्रवक्ता पृथ्वीसुब्बा गुरुङले जानकारी दिएका छन् ।

अहिले एमालर्को लोकप्रिय मत ३४ प्रतिशत हो । कांग्रेसको ३३ प्रतिशत र अरुको ८/ १० होला, उनले भने, गठबन्धन भएन भनेर चुनावमा जानै हुँदैन भन्ने होइन । गठबन्धन भएन भने एमाले चुनावमा जाँदै भन्ने होइन । एक्लैले चुनाव लडेर सबै कुराको सामना गर्छ ।

उनले विचार मिल्नेसँग तालमेल हुन सक्ने बताए पनि माओवादीसँगको सम्भावना सकिएको बताएका छन् । सुशासन समृद्धिको अभियानमा लोकतन्त्र र संघीय लोकतान्त्रिक गणतन्त्रको एजेन्डा मिल्नेसँग तालमेल हुन्छ, उनले थपे, अब माओवादी र अन्य वाम दलहरुसँगको तालमेल सम्भावना सकिएको छ ।