२२ असार २०७१, आईतवार १४:२६ बुधवार साप्ताहिक, नयाँबानेश्वर, काठमाण्डौं

टोली नेताको चयनमा नेपाल पक्षको स्पष्ट अग्रता

असार, २२ काठमाडौं । नेकपा एमालेको ९ औं अधिवेशनको बन्दसत्रमा समुहगत छलफलका लागि भएको निर्वाचनको परिणामले नेपाल अध्यक्ष बन्ने निश्चित देखाएको छ ।
समुह नेता छान्नको लागि निर्वाचन भएका अधिकांश अञ्चलमा नेपाल पक्षधर विजयी भएका छन् । निर्वाचन भएका १० मध्ये ७ वटा समुहमा नेपाल पक्षधर विजयी भएका छन् । १९ वटा समुह विभाजन गरिएको छलफल समुहमा बहुमत टोली नेता नेपाल पक्षधर छानिएका छन् । सर्बसम्मत भएका अञ्चलहरुमा पनि नेपाल पक्षधरको उपस्थिती मजबुत छ । निर्वाचन भएका अञ्चलहरु जनकपुुर, नारायणी, बागमती, सेती, महाकाली, प्रवासमा नेपाल पक्षधर टोली नेता छानिएका छन् । निर्वाचन भएका स्थानको मत परिणाम अनुसार नेपाल पक्षले १०० बढी मत प्राप्त गरेको छ । कोशी, सगरमाथा, उपत्यका, गण्डकी, लुुम्बिनी, राप्ती÷कर्णाली, जनसंगठन, सल्लाहकार र ज्येष्ठ मंचमा सर्वसम्मत टोली नेता छानिएका छन् । ती मध्येका महत्वपूूर्ण र ठूला क्षेत्रहरुमा नेपाल पक्षीय टोली नेताहरु चयन भएका छन् ।