२३ असार २०७१, सोमबार ११:५० बुधवार साप्ताहिक, नयाँबानेश्वर, काठमाण्डौं

बामदेवमाथि महेशको कटाक्ष

असार २३, काठमाडौं । नेकपा एमालेको जारी नवौं महाधिवेहनमा समूहगत प्रस्तुतिकरणका क्रममा एउटा टोलीका नेता महेश बस्नेतले बामदेब गौतमको कडा कटाक्ष गरेका छन् ।
टोली नेताका रुपमा बोल्नेक्रमा बस्नेतले गौतम प्रति इंगित भगर्दै भने–हिजो पार्टी ठूलो हँदा पार्टी विभाजन गराएर अर्को पार्टी बनाएर जाने र अहिले फेरी त्यहि पार्टीमा फर्केर आएपछि नेता हुन खोज्ने प्रवृति पार्टीभित्र मौलाएको छ ।’ यस्तो प्रबृतिले पार्टीलाई नोक्सान मात्र पुर्याउने उनको भनाई थियो ।
अध्यक्षका प्रत्यासी ओली समूहका भित्रिया भनेर चिनिने बस्नेतले गौतममाथि गरेको यस्तो कटाक्षले सो समूहमा तरंग ल्याएको बताईएको छ । जबकि, अहिले गौतम स्वयं ओलीलाई नेता बनाउन लागेका छन् । स्मरण रहोस्, यसअघि प्रतिनिधि चयनमा पनि प्यूठानमा ओली समूहले गौतमका कार्यकर्तालाई जिल्ला सदरमुकाम प्रबेशमै निषेध गरेका थिए ।