१५ श्रावण २०७१, बिहीबार ०९:३५ बुधवार साप्ताहिक, नयाँबानेश्वर, काठमाण्डौं

प्रचण्डको किताब गिरिराजलाई

काठमाडौं । त्यस दिन विश्वप्रसिद्ध माक्र्सवादी पुस्तक ‘ड्युरिङ मत खण्डन’ र निनु चापागार्इंको सौन्दर्यशास्त्रसम्बन्धी पुस्तक ‘यथार्थवादी रचनादृष्टि र विवेचना’ एमाओवादीका अध्यक्ष पुष्पकमल दाहाल ‘प्रचण्ड’लाई दिने योजना थियो । तर, अध्यक्ष प्रचण्ड आफ्नी सासुको निधन भएका कारण चितवन जानुपर्ने भएकाले उपस्थित हुन सकेनन् । र, प्रचण्डले नै पठाएका एमाओवादी नेता गिरिराजमणि पोखरेलले ती दुई पुस्तक र एउटा झोला हात पारे ।
कम्युनिस्ट पार्टीका नेताहरूमा अध्ययन–संस्कृति हराउ“दै गएको र निम्न पु“जीवादी चिन्तन मौलाउ“दै गएकोमा चिन्तित रहेका एमाओवादीका सांस्कृतिककर्मीहरूले नेताहरूलाई अध्ययनमा जोड दिन अभियान चलाउने अभिप्रायले यस्तो अभियान थालनी गरेका थिए । अभियानको नाम ‘झोलामा किताब अभियान’ राखिएको थियो । चार दिनअघि एमाओवादीका मुख्यालय पेरिसडा“डामा एमाओवादीका सांस्कृतिककर्मी तथा अभियानका संयोजक मातृका पोखरेललगायतले नेता पोखरेललाई झोलासहित ती दुई पुस्तक दिएका थिए । ‘नेताहरूले पढ्न छाडे । यो खतराको संकेत हो । नेताहरूमा अध्ययन संस्कृति स्थापित होस् भनेर हामीले यो अभियान सुरु गरेका हौं । र, यसलाई देशव्यापी बनाउने अभियानमा छौं’– पोखरेलले भने । अहिले कुनै पनि कम्युनिस्ट पार्टीका शीर्षस्थ नेताहरूले पढ्न छाडेको पनि उनले बताए– ‘अहिले सबै पार्टीमा समस्या देखिएको छ ।’
कम्युनिस्ट पार्टीका नेताहरूले अहिले नया“ पुस्तकहरू कत्तिको पढिरहेका छन् त ? केही महिना पहिले प्रगतिशील लेखक संघले कम्युनिस्ट पार्टीका मुख्य नेतालाई भेटेर त्यससम्बन्धी अन्तक्र्रियासमेत गरेको थियो । उनीहरूले पछिल्लो पटक नेकपा (मसाल)का नेता मोहनविक्रम सिंहलाई भेटेर सोधेका थिए– ‘तपाईंले अहिले निस्किरहेका साहित्य, संस्कृतिका कुन नया“ पुस्तक पढ्नुभयो ?’ तर, पुराना र शास्त्रीय पुस्तकका घाघडान अध्येता सिंहले अहिले नया“ पुस्तक नपढेको बताए । नेताहरूसितै अध्ययनका बारेमा बुझ्न लेखकहरूले एमालेका तत्कालीन अध्यक्ष झलनाथ खनाल, एमाओवादी अध्यक्ष प्रचण्ड र नेपाल मजदुर किसान पार्टीका अध्यक्ष नारायणमान बिजुक्छे ‘रोहित’लाई समेत भेटेका थिए ।