१९ जेष्ठ २०७३, बुधबार ०६:२१ बुधवार साप्ताहिक, नयाँबानेश्वर, काठमाण्डौं

सशस्त्रमा पुनरावलोकन अन्योल

काठमाडौं । सशस्त्र प्रहरी बलको एआईजी पदमा दुई डिआइजीको सिफारीश भएपछि विवाद चुलीएको छ ।
केही दिन अघि बढुवाका लागि डिआजी द्धोय शैलेन्द्र खानल र जीतबहादुर पुनको सिफाशि भएपछि असन्तुष्ट २ डिआइजीले पुनरावलोकनका लागि उजुरी हालेका छन् ।आफूहरूको नम्मर दिादा अन्याय भएको भन्दै डिआइजीद्धोय उत्तम खड्का र पुष्पराम केसीले पुनरावलोनका लागि निवेदन दिएका हुन् ।
शसस्त्र प्रहरी वलको नयाा नियमावली अनुसार ३ सदस्यीय बढुवा सिफारीश समितिले हरेक विषयको नम्मर मुल्याङ्कन गरेर बढुवाका लागि सरकारसमक्ष शिफारीश गर्ने गर्छ । गृह सचिव नारायणगोपाल मलेगो संयोजकत्वको उक्त समितिको सदस्य सचिव आइजीपी दुर्जकुमार राई र सदस्य गृह मन्त्रालय अन्तर्गत कर्मचारी प्रशासन महाशाखाका सहसचिव चक्रबहादुर बुढा रहेका छन् ।
सिफारीश उपर चित्त नबुझेमा पुनरावलोकन समिति समक्ष उजुरी दिन पाउने व्यवस्था भएबमोजिम डिआइजी खड्का र केसीले निवेदन दिएका हुन् ।
पुनरावलोकन समितिको अध्यक्ष लोकसेवा आयोगको अध्यक्ष उमेश मैनाली तथा दुई सदस्यहरूमा मुख्य सचिव सोमलाल सुबेदी र कानुन मन्त्रालयका सचिव टेकप्रसाद ढुङ्गाना रहेका छन् ।
सिफारिश समितिले विविध पक्षका अतिरिक्त १५ नम्मर भने आफूहरूको तजविजका आधारमा दिन पाउने व्यवस्था रहेकाले फेरी पनि उक्त प्रक्रिया वैज्ञानीक हुन नसकेको असन्तुष्टहरूको आरोप छ ।
कार्यसम्पादनको नम्मर सबैको लगभग उस्तै आउने र शिफारिश समितिले दिने नम्मर नै निर्णयक हुने भएकाले सिफारीश समितिले विवेक नपुर्‍याउदा आफूहरूलाई अन्यया हुने उनीहरूको गुनासो छ ।
वरिष्ठताका आधारमा पहिलोमा जितबहादुर पुन, देस्रोमा उत्तम खड्का, तेस्रोमा खनाल, चौथोमा नारायणबाबु थापा रहेको बताइन्छ । यता दुई डिआइजी एआइजीका लागि सिफारीश भएपछि एसएसपीहरूबीच डिआइजी हुन प्रतिष्पर्धा सुरु भएको छ ।