५ आश्विन २०७३, बुधबार ०५:५४ बुधवार साप्ताहिक, नयाँबानेश्वर, काठमाण्डौं

लोडरले पत्रिका निकालेर तहल्का

काठमाडौं । पेसाले उनी नेपाल वायुसेवा निगममा लोडर हुन्, तर बनेका छन् पत्रिकाका प्रकाशक पनि । निगममा लोडरका रूपमा कार्यरत रहे पनि पूर्णप्रसाद पाण्डेले अचेल पत्रिका प्रकाशन गरेर विभिन्न ठाउँमा आफूलाई पत्रकारका रूपमा चिनाउने गरेका छन् ।

१२ वर्ष पुरानो ‘परिवर्तन आवाज’ साप्ताहिकको प्रकाशक रहेका पाण्डे आफूलाई कर्मचारीहरूको हकहितमा बोल्ने संगठक भनेर चिनाउन पनि पछि पर्दैनन् । कृपासुर शेर्पा पर्यटनमन्त्री हुँदा ‘मन्त्री आफ्नो साथी भएकाले’ जे चाह्यो त्यही हुन्छ भन्दै हिँड्ने पाण्डे अहिले निगमको कर्मचारी युनियन र हरेक हाकिमको कार्यालयमा उक्त पत्रिका टेबलमै पु¥याउन लगाउने गर्छन् ।

मन्त्री कृपासुरकै पालामा करारमा निगममा जुनियर असिस्टेन्टमा भर्ती भएका पाण्डे त्यसअघि भने के गर्थे भन्नेबारे निगमका कर्मचारीहरूलाई थाहा छैन । तर, पछिल्लो समय भने उनी एयरपोर्टबाट सरुवा भई न्युरोडस्थित निगमको प्रधान कार्यालयमा आउन बाध्य भएका छन् । लोडर तथा तल्ला तहका कर्मचारीहरूलाई राम्रो फाइदा हुने स्थान एयरपोर्र्टमा नियमित रूपमा काम नगर्ने र अन्यत्र हिँड्ने गरेपछि निगम व्यवस्थापनले बाध्य भएर पाण्डेको सरुवा प्रधान कार्यालयमा गरिदिएको थाहा भएको छ ।