२६ चैत्र २०७०, बुधबार ०८:१३ बुधवार साप्ताहिक, नयाँबानेश्वर, काठमाण्डौं

प्रचण्डलाई जनसंगीत सम्मान

काठमाडौं । राष्ट्रिय जनसांस्कृतिक महासंघ, नेपालको घटक संगठन राष्ट्रिय जनसंगीत मञ्च, नेपालबाट प्रचण्डबहादुर बुढाथोकी सम्मानित भएका छन् । शुक्रबार राजधानीमा आयोजित ‘शुभकामना साँझ’मा उपप्रधान तथा गृहमन्त्री वामदेव गौतमले उनलाई सम्मान गरेका थिए ।
नवलपरासीका बुढाथोकीले ‘आमा रुँदै गाउँबेसी मेलैमा, छोरो रुँदै गोरखपुर रेलैमा’जस्ता सयौं जनगीतहरूको संकलन गरेका छन् । उनी ‘रेलिमाई सांस्कृतिक समूह’का संस्थापक मध्येका एक हुन् । उनका करिब एक दर्जन गीत तथा कविता प्रकाशित छन् ।
प्रसिद्ध साहित्यकार मोदनाथ प्रश्रित, प्रदीप ज्ञवाली, प्रदीप नेपाल, वाचस्पति देवकोटालगायतका नेता तथा साहित्यकारहरूको उपस्थिति रहेको कार्यक्रममा जनवादी कलाकारहरूले गीत, नृत्य तथा प्रहसन प्रस्तुत गरेका थिए ।