११ असार २०७१, बुधबार ०५:२० बुधवार साप्ताहिक, नयाँबानेश्वर, काठमाण्डौं

पेशागतमा ओली समूह बढारियो माधवका भाईले जिते, इश्वरका सम्धीले हारे

काठमाडौं । नवौं महाधिवेशनका प्रतिनिधि चयनका लागि हिजो भएको मतदानमा पेशागत जिल्ला कमिटीमा अध्यक्षका प्रत्यासी केपी ओली समुुह बढारिएको छ । २७ जना प्रतिनिधिका लागि भएको मतदानमा सबै जना अर्का प्रत्यासी माधवकुमार नेपाल पक्षका आएका छन् ।
पेशागतवाट आएका प्रतिनिधीहरुमा केदारप्रसाद संजेल, भोलानाथ पोखरेल रोहित, बसन्तराज पाण्डे, दिपक सुवेदी, राजन रेग्मी, नारायण प्र सुवेदी, रामप्रसाद रिमाल, विष्णु लामिछाने, सरोज कुमार उपाध्याय, हेमनाथ पौडेल, मदनकुमार आचार्य, टिकाराम भट्टराई, नविन पौडेल, गगन विष्ट, लालबहादुर पाख्रिन, योगेन्द्र बहादुर सिंह, मोहनकुमार घिमिरे, नेत्र प्रसाद पौडेल, प्रेमकुमार पराजुली, सुुर्यबहादुर थापा, विष्णुप्रसाद फुुयाल, चित्रगुप्त साँवा महिला तर्फ सरोज कुमारी झा, राधिका ढकाल, कमला तुलाधर, प्रा.डा.पष्पा कर्ण र गंगा थापा छन् । सरोज, माधव नेपालका भाइ हुन् ।
उता, ओली समूहवाट महासचिवका उम्मदवार इश्वर पोखरेलका सम्धी उपेन्द्र कोइरालाले हारेका छन् । त्यस्तै केही महिना अघि मात्र गृहमन्त्रीको सल्लाहकारको जागीर खान गएका प्रदिप नेपालका भाइ समीर नेपालले पनि हारेका छन् । उनी पेशागत जिल्ला कमिटीका सचिव समेत हुन् । जिफन्ट अध्यक्ष तथा आफूलाई ओली समूहको भेट्रान भन्ने विष्णुु रिमाल कि पत्नी पनि पराजित भएकि छिन् ।