१६ श्रावण २०७१, शुक्रबार ०७:४६ बुधवार साप्ताहिक, नयाँबानेश्वर, काठमाण्डौं

कर्मयोगी थापाको स्मृति

 काठमाडौं । वरिष्ठ पत्रकार भैरव रिसाल ०७१ को सेवा पुरस्कार, नेपालबाट पुरस्कृत हुनुभएको छ । कर्मयोगी बद्रीविक्रम थापा स्मृति सेवा गुठीद्वारा प्रदान गरिने उक्त पुरस्कार गएको आइतबार समाजसेवी थापाको ९२ औं स्मृति दिवस तथा गुठीको १७ औं वार्षिकोत्सवको अवसरमा रिसाललाई प्रदान गरिएको हो ।
पत्रकार रिसाललाई वरिष्ठ साहित्यकार कमलमणि दीक्षितले एक कार्यक्रमबीच उक्त पुरस्कार प्रदान गर्नुभएको हो । पुरस्कारको रासी ५१ हजार रुपियाँ रहेको छ । सोही कार्यक्रममा बद्रीविक्रम चरित्र निर्माण पुरस्कार–०७१ बाट हिन्दू विद्यापीठ, नेपाल थलीका छात्रा रेनुका थापालाई पुरस्कृत गरिएको थियो । उक्त पुरस्कारको रासी १० हजार रुपियाँ रहेको छ ।
साहित्यकार अंगुरबाबा जोशीले गुठीको वार्षिक प्रकाशन ‘उखानभित्रका कथा विशेष’को सोही कार्यक्रममा लोकार्पण गर्नुभएको थिजयो । संस्कृतिविद् सत्यमोहन जोशीको सभापतित्वमा आयोजित उक्त कार्यक्रममा राप्रपाका अध्यक्ष कमल थापा, नेकपा–माओवादीका नेता सीपी गजुरेल, प्रा.डा.नवलकिशोर राईलगायतले समाजसेवी थापाको व्यक्तित्वमाथि चर्चा गरेका थिए ।