११ भाद्र २०७१, बुधबार ०८:४६ बुधवार साप्ताहिक, नयाँबानेश्वर, काठमाण्डौं

भागीरथीलाई साहित्य सन्ध्या पुरस्कार

काठमाडौं । २०७० सालको साहित्य सन्ध्या पुरस्कार तथा सम्मान साहित्यकार भागीरथी श्रेष्ठलाई प्रदान गर्ने निर्णय गरिएको छ । तीन दशकभन्दा बढी समयदेखि आख्यान विधाका माध्यमबाट नेपाली समाजको अग्रगमनमा योगदान गरिरहेकी  श्रेष्ठलाई पुरस्कार तथा सम्मान आगामी भदौ १४ गते अर्पण गरिनेछ ।
प्रा.डा. जीवेन्द्रदेव गिरीको संयोजकत्वमा शान्ता मानवी र भागवत आचार्य रहेको स्रष्टा चयन समितिको सिफारिसका आधारमा पुरस्कार श्रेष्ठलाई दिने निर्णय गरिएको हो । उक्त समारोहको प्रमुख अतिथिमा वरिष्ठ साहित्यकार डा.मोदनाथ प्रश्रित र विशिष्ट अतिथिमा प्रदीप ज्ञवाली हुनु हुनेछ । सोही समारोहमा राजविराजबाट सुरु भएको साहित्य सन्ध्यालाई काठमाडौंमा पुनस्र्थापित गर्ने संस्थाको यात्राको थालनी गर्नेहरू अग्नि खरेल, राम आचार्य, तीर्थ कोइराला, डा.गोपाल सिवाकोटी ‘चिन्तन’ र नरनाथ लुइँटेललाई सम्मान पनि गरिने भएको छ ।