१ माघ २०७१, बिहीबार ०४:१६ बुधवार साप्ताहिक, नयाँबानेश्वर, काठमाण्डौं

आक्रमणकारीमाथि कारवाही माग

मेलमिलाप र क्षमादानका स्पष्ट आधारहरू कानुनमा नै स्पष्ट व्यवस्था गर्न, गम्भीर मानव अधिकार उल्लंघनका घटनाहरूमा जवाफदेहिता र पुन: नदोहोरिने सुनिश्चितता गर्न, बेपत्ता, यातना तथा यौनजन्य हिंसासम्बन्धी अपराधलाई आपराधीकरण गर्न, द्वन्द्वकालीन बलात्कारका घटनामा मुद्दा दायर गर्ने हालको ३५ दिने हदम्याद संशोधन गर्न, अभियोजनको अधिकार स्वत्रन्तापूर्वक कार्यान्वयन गर्ने महान्यायाधिवक्ताको अधिकार सुनिश्चित गर्न, कब्जा सम्पत्ति फिर्ताको विश्वसनीय प्रावधान सुनिश्चित गरेर मात्र आयोग गठन प्रक्रिया अगाडि बढाउन सरकार, राष्ट्रिय मानव अधिकार आयोग, सिफारिस समितिसमक्ष जोडदार माग गर्दछौं । साथै, कुनै द्वन्द्वरत पक्षसँग संलग्न नरहेका, मानव अधिकार उल्लंघनको नकारात्मक अभिलेख नभएका, संक्रमणकालीन न्याय र मानव अधिकारप्रति जानीफकार, पीडितको भावना जित्न सक्ने व्यक्ति मात्र नियुक्त गर्न र आपसी सहकार्यमा पीडितकेन्द्रित विश्वसनीय र स्वतन्त्र आयोग गठनको वातावरण बनाउनका लागि सरकार, राजनीतिक दल, जनप्रतिनिधिहरू, राष्ट्रिय मानव अधिकार आयोग, मानव अधिकार समुदाय, नेपाल बार एसोसिएसन तथा नागरिक समाजसमक्ष पीडित समुदाय संवेदनशीलताका साथ हार्दिक अनुरोध गर्दछौं ।
एकिकृत नेकपा माओवादी, मधेसवादीलगायतका ३२ दलीय मोर्चाले पुस २८ गते गरेको बन्दको क्रममा आन्दोलनकारी मध्ये मधेसी जनअधिकार फोरम गणतान्त्रिकका कार्यकर्ताले सिरहाको गोलबजार नगरपालिकाबाट प्रकाशित अनुकल्प दैनिक जलाएको घटनाप्रति हाम्रो गम्भिर ध्यानाकर्षण भएको छ ।
लहान नगरपालिकामा रहेका प्रेसबाट पत्रिका छापेर गोलबजार नगरपालिका पुग्दा उनीहरुले पत्रिका खोसेर बीच सडकमा आगो लगाएर जलाउनु घोर आपत्ति जनक कार्य हो ।  नेपालको अन्तरिम संविधान २०६३ को मौलिक हक भित्र धारा २७ मा रहेको सूचनाको हक बमोजिम विभिन्न सूचना प्रकाशित गरी जनतालाई सूसुचित गर्ने कार्यमा कटिबद्ध रहेको अनुकल्प दैनिक पत्रिकालाई आन्दोलनको नाममा खुलेआम रुपमा सडकमा जलाउनु स्वतन्त्र प्रेस माथिको दमन संगै कानुन विरोधी कार्य भएकाले दैनिक पत्रिका जलाउने कार्य गर्नेलाई कानुन बमोजिम कार्वाही गर्न माग गर्दछौँ  ।
– दिलीप सिंह