२२ पुष २०७७, बुधबार १०:४० बुधवार साप्ताहिक, नयाँबानेश्वर, काठमाण्डौं

पशुपति विकास कोषलाई स्वास्थ्य सुरक्षा सामग्री प्रदान

काठमाडौं । लोमस फर्मास्युटिकल्स प्रालिले पशुपति क्षेत्र विकास कोषलाई स्वास्थ्य–सुरक्षा सामग्री प्रदान गरेको छ । प्रालिका ह्यान्ड एक्स स्यानिटाइजर विभागका निर्देशक प्रणवजंग पाण्डेले कोषका सदस्यसचिव डा. प्रदीप ढकाल र कोषका कार्यकारी निर्देशक डा. घनश्याम खतिवडालाई उक्त सामग्री प्रदान गरेका हुन् ।
कोभिड–१९ को जोखिम कायमै रहेकाले र पाशुपत क्षेत्रमा भीडभाड हुने भएकोले आफूहरूले स्यानिटाइजर प्रदान गरेको पाण्डेले जानकारी दिए । यसअघि पनि आफूहरूले विभिन्न संघ÷संस्थाहरूलाई सामाजिक उत्तरदायित्वअन्तर्गत स्वास्थ्य–सुरक्षा सामग्री प्रदान गरिसकेको पाण्डेको भनाइ छ । उनले आगामी दिनमा आफूहरूले कोषसँग सहकार्य गर्दै आवश्यकताअनुसार सामग्रीहरू उपलब्ध गराउने विश्वास दिलाए । कोषका सदस्य सचिव ढकाल र कार्यकारी निर्देशक खतिवडाले आवश्यक स्वास्थ्य सुरक्षा सामग्री प्रदान गरेकोमा लोमस फर्मास्युटिकल्स प्रालिलाई धन्यवाद दिएका थिए ।