सुब्बा र कोइरालाबीच भीडन्त
काठमाडौं । संकटबाट गुज्रिरहेको पुरानो प्रकाशन–संस्था साझा प्रकाशनको अध्यक्षमा अन्ततः निर्वाचन हुने भएको छ । अध्यक्षका उम्मेद्वार डा. विजय सुब्बा र जीवनचन्द्र कोइरालाबीच सहमति गराउने प्रयत्न भए पनि दुवैले एक–अर्कालाई नछाड्ने भएपछि निर्वाचन हुने भएको हो ।
अध्यक्षका उम्मेदवार डा. सुब्बा नेकपा विभाजितपछि प्रधानमन्त्री केपी शर्मा ओली समूहमा खुलेर लागेका व्यक्ति हुन् । उनी केन्द्रीय सदस्यका साथै सांसद पनि हुन् । कोइराला भने प्रजातान्त्रिक समूहबाट उठेका हुन् । दुवै यसअघि साझाको सञ्चालक समितिमा थिए । हिजोदेखि सुरु भएर २४ गते टुंगिने मतदानमा अध्यक्षको उम्मेदवारबीच कडा प्रतिस्पर्धा हुने देखिएको छ । अहिले साझाको १ हजार ४ सय ५६ सेयरधनी छन् ।
अध्यक्षमा मतदान हुने भए पनि तीनजना सञ्चालक समिति सदस्यहरू भने निर्विरोध भइसकेका छन् । जसमा वामपन्थी खेमाबाट सीता ओझा र हरि भण्डारी निर्विरोध भएका छन् भने प्रजातान्त्रिक समूहबाट डिपी अर्याल निर्विरोध भएका हुन् । अर्याल यसअघि पनि सञ्चालक थिए । उनलाई तत्कालीन शिक्षामन्त्री गोपालमान श्रेष्ठले नियुक्त गरेका थिए ।
अध्यक्ष पदका उम्मेदवार डा. सुब्बाले भने पहिला सञ्चालक हुँदा तत्कालीन अध्यक्ष तथा महाप्रबन्धक डोलिन्द्रप्रसाद शर्मासँग मनमुटाव परेपछि साझाको बैठक बहिष्कार गर्दै आएका थिए । तत्कालीन अध्यक्ष शर्माले गरेका बदमासीप्रति उनले आवाज उठाएपछि दुवैबीच मनमुटाव चलेको थियो । त्यही कारण सञ्चालक समितिको सुरुका केही बैठकमा सहभागिता जनाए पनि पछिल्ला बैठकहरूमा भने उनी अनुुपस्थित रहँदै आएका थिए ।
२०७० सालदेखि कामविहीन बन्दै आएको साझाले पछिल्लो एक वर्षयता कर्मचारीहरूलाई तलबसमेत खुवाउन सकिरहेको छैन । २०७६ साल मंसिरमा पछिल्लोपटक तलब थापेका कर्मचारीहरूलाई तलब खुवाउनै करोडौं लाग्ने बुझिएको छ । यसअघि ऋण र सरकारी अनुदानबाट नै कर्मचारीलाई तलब खुवाउने काम हुँदै आएकोमा पछिल्लोपटक त्योसमेत हुन नसकेको बताइन्छ ।
सम्बन्धित समाचार
- पशुपतिनाथ मन्दिर आसपास मासु, मदिरा तथा नशालु पदार्थ बिक्री र सेवन गर्न रोक
- एमाले संकल्प यात्राको तेस्रो दिन : आज सिलगढीबाट अछामको यात्रा
- नक्कली भुटानी शरणार्थी मुद्धाको आज अन्तिम फैसला हुने
- आज छठ पर्व, सूर्यको पूजा आराधना गरी मनाइँदै
- मंसिर १४ गतेदेखि एमालेले मध्यपहाडि लोकमार्ग यात्रा विशेष कार्यक्रम गर्ने
- जाजरकोट भूकम्प अपडेट : मृतकको संख्या १५४ पुग्यो
- प्रधानमन्त्री प्रचण्डसहित शीर्ष नेताहरु एमालेको चियापानमा
- प्रधानमन्त्री प्रचण्ड भूकम्प प्रभावित जिल्ला बझाङमा
- परराष्ट्रमन्त्री साउद र राष्ट्रसंघका उपमहासचिव लाक्रोक्सबीच भेटवार्ता
- संविधान दिवसमा एमालेको ‘रातो र चन्द्र सूर्यसँग सेल्फी’ कार्यक्रम
- आज हरितालिका तीज
- ६० किलो सुन प्रकरणको मुद्दा जिल्ला अदालतमा दर्ता : २९ जना प्रतिवादी
Leave a Reply