३० कार्तिक २०७९, बुधबार ०७:३३ बुधवार साप्ताहिक, नयाँबानेश्वर, काठमाण्डौं

चितवनमा कांग्रेस उम्मेदवार उमेश श्रेष्ठको गाडी तोडफोड

३० कात्तिक, चितवन । नेत्रविक्रम चन्द ‘विप्लव’ नेतृत्वको नेकपाका कार्यकर्ताले कांग्रेस उम्मेदवार उमेश श्रेष्ठको गाडी तोडफोड गरेका छन् । चितवन क्षेत्र नम्बर २ का नेपाली कांग्रेसका प्रतिनिधिसभा सदस्यका उम्मेदवार श्रेष्ठको गाडीमाथि मंगलबार बिहान ११ बजेतिर तोडफोड भएको थियो ।

विप्लवका कार्यकर्ताले राज्यमन्त्री समेत रहेका कांग्रेस उम्मेदवार श्रेष्ठको गाडी आफूहरुले तोडफोड गरेको बताएका छन् । चुनावी प्रचारमा रहेको बेला भरतपुर महानगरपालिका– १० पुरानो मेडिकल कलेज नजिक रेडक्रस चोकमा रहेको बा ३ च २०५० नम्बर को गाडीमा तोडफोड भएको हो ।

डीएसपी नरहरि अधिकारीले घटनाको छानबिन सुरु गरिएको बताए । घरदैलो गर्ने क्रममा पार्किङ गरिराखेको गाडिमा मोटरसाइकल चढेर आएका ६ जनाले इँटा प्रहार गरेर भागेका थिए ।