३१ बैशाख २०८०, आईतवार ११:०६ बुधवार साप्ताहिक, नयाँबानेश्वर, काठमाण्डौं

परराष्ट्रमन्त्री साउदको बंगलादेशकी प्रधानमन्त्री हसिनासँग भेटवार्ता

३१ वैशाख, काठमाडौँ । परराष्ट्रमन्त्री एनपी साउदले ढाकामा बंगलादेशकी प्रधानमन्त्री शेख हसिनालाई भेटवार्ता गरेका छन् । त्यस अवसरमा उनीहरूले दुई मुलुकबीच सीमापार कनेक्टीभीटी, व्यापार, पारवहन, उर्जा र शिक्षालगायत समग्र अन्य विषयलाई अघि बढाउने बारेमा छलफल गरेको ढाकास्थित नेपाली दूतावासले जनाएको छ ।

साउद शुक्रबार र शनिबार ढाकामा भएको ‘छैटौं इण्डियन ओसन कन्फरेन्स–२०२३’ मा सहभागी हुन त्यहाँ गएका हुन् । ऊर्जा व्यापार सम्वन्धमा जेठ १ र २ गते नेपाल र बंगलादेशबीच ढाकामा छुट्टै बैठक समेत आयोजना गरिएको छ । बंगलादेश र भारतका साथै सिंगापुरको अन्तराष्ट्रिय विषय अध्ययन केन्द्रको सहआयोजनामा छैठौं हिन्द महासागर सम्मेलन आयोजना गरिएको हो ।