९ जेष्ठ २०८०, मंगलवार ०६:४८ बुधवार साप्ताहिक, नयाँबानेश्वर, काठमाण्डौं

पाठ्यक्रमबाट डा‍. सन्दुक रुइतको जीवनी हटाइएकोमा रघुजी पन्तको आपत्ति

९ जेठ, काठमाडौं । प्रमुख प्रतिपक्षी दल नेकपा (एमाले) का सांसद रघुजी पन्तले कक्षा १० को नेपाली पाठ्यपुस्तकबाट वरिष्ठ नेत्र चिकित्सक सन्दुक रूइतको जीवनी हटाइएकोमा आपत्ति जनाएका छन् ।

आज (मंगलबार) को प्रतिनिधि सभा बैठकमा भाग लिँदै सांसद पन्तले जीवनी हटाइएकोमा आपत्ति जनाउँदै हटाउनुको कारण माग गरेका छन् । रूइतका कारणले देशको इज्जत बढेको उनले बताए ।

उहाँको कारणले हाम्रो देशको इज्जत बढेको छ । त्यो जीवनी पढाउन आवश्यक भएर राखिएको थियो । किन त्यो जीवनी हटाइयो ? शिक्षामन्त्रीले यसबारेमा स्पष्ट जवाफ दिनुहोस् भन्ने चाहन्छु,सांसद पन्तले भने ।