१६ श्रावण २०८०, मंगलवार ०७:०१ बुधवार साप्ताहिक, नयाँबानेश्वर, काठमाण्डौं

नेकपा एसका नेताडिल्ली उप्रेती एमालेमा प्रवेश

१६ साउन, काठमाडौं । नेकपा (एकीकृत समाजवादी) का नेता डिल्लीप्रसाद उप्रेतीले पार्टी परित्याग गरेर नेकपा एमालेमा भित्रिएका छन् ।

माधव नेपालको साथ छोडेर उनी पूरानै पार्टी एमालेमा फर्किएका हुन् । पूर्वसांसद रहेका सर्लाहीका उप्रेती पार्टी विभाजन हुँदा माधव नेपालको साथमा उभिएका थिए ।

हिजो (सोमबार) साँझ एमाले अध्यक्ष केपी ओलीको निवास बालकोटमा पुगेर उनी एमलोमा फर्किएका हुन् ।

उनलाई पार्टीमा फर्काउनको लागि एमाले नेताहरु हरि उप्रेती, सुमन प्याकुरेललगायत सक्रिय थिए ।

उप्रेतीले अब मूल घरमा फर्किएकाले सक्रियताका साथ काम गर्ने बताएको जनाईएको छ ।