६ फाल्गुन २०७८, शुक्रबार ०६:३४ बुधवार साप्ताहिक, नयाँबानेश्वर, काठमाण्डौं

एमसीसीलाई अर्को बैठकबाट निष्कर्षमा पुर्‍याउँछौं : सञ्चारमन्त्री कार्की

६ फागुन,काठमाडौं । सरकारका प्रवक्ता तथा सञ्चारमन्त्री ज्ञानेन्द्रबहादुर कार्कीले सत्तारुढ गठबन्धनको अर्को बैठकले एमसीसीलाई निष्कर्षमा पुर्‍याउने बताएका छन् ।

आज गठबन्धनको बैठकपछि सञ्चारकर्मीसँग बोल्दै मन्त्री कार्कीले आजको बैठकमा संक्षिप्त छलफल भएको जानकारी दिए ।

उनले भने, सार्वभौम संसदमा छलफल गराएर निस्कर्षमा पुर्‍याउने विषयमा आज संक्षिप्त कुराकानी भयो । अर्को बैठक ८ गते बिहान १० बजे बसेर हामी यसलाई निर्णयमा पुर्‍याउँनेछौं ।

प्रधानमन्त्री देउवा र प्रतिपक्षी दलका नेता केपी शर्मा ओलीबीच हिजो भएको छलफल सकारात्मक रहेको समेत कार्कीले बताए । संसदलाई जीवन्त बनाउन प्रमुख प्रतिपक्षी दलको पनि त्यत्तिकै दायित्व र भूमिका हुने भन्दै उनले यही विषयमा छलफल गर्न प्रधानमन्त्रीले ओलीसँग भेटघाट गरेको बताए ।

विपक्षी दलको नेताबाट एमसीसी परियोजनालाई निष्कर्षमा पुर्‍याउने प्रधानमन्त्रीको प्रस्तावका बारे सकारात्मक विमर्श भयो, उनले भने ।