३ बैशाख २०८३, बिहीबार १४:१५ बुधवार साप्ताहिक, नयाँबानेश्वर, काठमाण्डौं

पूर्वमन्त्री दीपक खड्का थुनामुक्त — सर्वोच्चको आदेश

काठमाडौं । सर्वोच्च अदालतले नेपाली कांग्रेसका नेता तथा पूर्व ऊर्जामन्त्री दीपक खड्कालाई थुनामुक्त गर्न आदेश दिएको छ।

सम्पत्ति शुद्धीकरणसम्बन्धी अनुसन्धानका क्रममा चैत १५ गते पक्राउ परेका खड्कालाई उनकी श्रीमती विनिता थापाले दायर गरेको बन्दी प्रत्यक्षीकरण रिटमाथि सुनुवाइ गर्दै अदालतले रिहा गर्न आदेश दिएको हो।

न्यायाधीशद्वय सपना प्रधान मल्ल र श्रीकान्त पौडेलको इजलासले उनलाई थुनामुक्त गर्न आदेश दिँदै विदेश जानुअघि अनुमति लिनुपर्ने सर्त समेत राखेको छ। उल्लेखनीय कुरा के भने, जेनजी आन्दोलनका क्रममा खड्काको घरमा भएको तोडफोड र आगजनीपछि जलेका नेपाली र विदेशी नोटका भिडियोहरू सामाजिक सञ्जालमा व्यापक रूपमा भाइरल भएका थिए।

केही प्रदर्शनकारीले सग्ला नोट लैजाँदै गरेको दृश्यसमेत सार्वजनिक भएपछि उक्त घटनाले थप विवाद सिर्जना गरेको थियो। सोही विषयमा अनुसन्धान गर्न उनलाई पक्राउ गरिएको थियो।

 विभागले खड्काको घरबाट जलेका नोटका टुक्रा र खरानीसमेत संकलन गरेर अनुसन्धान अघि बढाएको थियो।