२५ चैत्र २०८२, बुधबार ०७:२८ बुधवार साप्ताहिक, नयाँबानेश्वर, काठमाण्डौं

नेपाल स्टक एक्सचेन्ज (नेप्से) अब सोमबारदेखि शुक्रबारसम्म खुला रहने

काठमाडौं । नेपाल स्टक एक्सचेन्ज लिमिटेड (नेप्से) ले हालै नेपाल सरकारको निर्णयअनुसार नियमित कारोबार समय पुनः सञ्चालन हुने सम्बन्धमा सबै सरोकारवालाहरूलाई जानकारी गराउँदै एक सार्वजनिक सूचना जारी गरेको छ।

वि.सं. २०८२ साल चैत २२ गते बसेको मन्त्रिपरिषद् बैठकले २०८२ चैत २३ गतेदेखि लागू हुने गरी नयाँ कार्यालय समय स्वीकृत गरेको छ। उक्त निर्णयअनुसार अब सरकारी कार्यालयको समय बिहान ९:०० बजेदेखि बेलुका ५:०० बजेसम्म रहनेछ भने शनिबार र आइतबार सार्वजनिक बिदा रहनेछ।

यसै निर्णयलाई ध्यानमा राख्दै नेप्सेको सञ्चालक समितिले पनि चैत २२ गतेकै बैठकबाट धितोपत्र कारोबार नियमित समयअनुसार सोमबारदेखि शुक्रबार (शुक्रबार समेत) सञ्चालन गर्ने निर्णय गरेको जनाएको छ। नेप्सेले सबै सम्बन्धित पक्षहरूलाई नयाँ तालिका अनुसार आफ्ना कारोबार योजना बनाउन अनुरोध गरेको छ।