७ जेष्ठ २०८३, बिहीबार ०४:१९ बुधवार साप्ताहिक, नयाँबानेश्वर, काठमाण्डौं

पठाओ नेपालको नेतृत्व अब यशु थकालीको हातमा

काठमाडौं — पठाओ नेपालले यशु थकालीलाई कम्पनीको प्रबन्ध निर्देशक पदमा नियुक्त गरेको छ। कम्पनी स्थापना भएको सुरुवाती चरणदेखि नै टिममा आबद्ध थकाली विगत आठ वर्षदेखि पठाओ नेपालको विभिन्न जिम्मेवारीमा सक्रिय रहँदै आएका छन्।

कम्पनीका अनुसार थकालीले नेपालसँगै बङ्गलादेशमा पनि पठाओको राइड सेयरिङ तथा फुड डेलिभरी सेवाको विस्तारमा महत्वपूर्ण भूमिका खेलेका छन्। हाल उनी पठाओ ग्रुपमा वरिष्ठ उपाध्यक्षको जिम्मेवारीसमेत सम्हालिरहेका छन्।

नयाँ नेतृत्वसँगै पठाओ नेपालले डिजिटल अर्थतन्त्रलाई थप मजबुत बनाउने रणनीति अघि सारेको जनाएको छ। कम्पनीले आगामी दिनमा पार्सल डेलिभरी, फुड डेलिभरी, इ–कमर्स, मोबिलिटी तथा अन्य डिजिटल सेवाहरूलाई एउटै प्लेटफर्ममार्फत विस्तार गर्ने तयारी गरेको छ।

कम्पनीले थकालीको नेतृत्वले प्रविधिमा आधारित सेवाको विस्तारसँगै प्रयोगकर्तालाई थप सहज र प्रभावकारी डिजिटल सेवा उपलब्ध गराउन मद्दत पुग्ने विश्वास व्यक्त गरेको छ।