२ जेष्ठ २०८३, शनिबार १०:३० बुधवार साप्ताहिक, नयाँबानेश्वर, काठमाण्डौं

भृकुटीमण्डपमा बाइक प्रेमीको भीड, बजाज मेलामा विशेष छुट र उपहार

काठमाडौँ । बजाजले ‘बजाज एक्सचेन्ज कार्निभल’ अन्तर्गत काठमाडौँको भृकुटीमण्डप मा विशेष एक्सचेन्ज मेला सञ्चालन गरेको छ । गत सोमबारदेखि सुरु भएको मेला आगामी आइतबारसम्म सञ्चालन हुने आयोजकले जनाएको छ ।

बजाजका सेल्स एचओडी नरेन्द्र गौतम का अनुसार मेलामा उपत्यकाभित्रका २२ भन्दा बढी भ्यालुएटर सहभागी रहेका छन् । मेलामा ग्राहकहरूले जुनसुकै कम्पनीका पुराना मोटरसाइकल वा स्कुटर ल्याएर नयाँ बजाज मोटरसाइकलसँग एक्सचेन्ज गर्न सक्ने व्यवस्था गरिएको छ ।

उनका अनुसार एउटै डिलर वा स्टलबाट मात्रै एक्सचेन्ज गर्नुपर्ने बाध्यता नरहेको र ग्राहकले विभिन्न स्टलमा गएर आफ्नो सवारी साधनको भ्यालुएसन गराउन सक्नेछन् । “ग्राहकले आफूलाई उपयुक्त मूल्य पाएपछि नयाँ मोटरसाइकल लिएर जान सक्नुहुन्छ,” उनले बताए ।

मेलाको अर्को विशेष आकर्षण भनेको अन-द-स्पट फाइनान्स सुविधा रहेको छ । हुलास फाइनान्स मार्फत नागरिकताको आधारमा सहज फाइनान्स सेवा उपलब्ध गराइरहेको कम्पनीले जनाएको छ ।

त्यस्तै, “जरिवाना र कर, बजाजले गर्छ कभर” भन्ने योजनाअन्तर्गत लामो समयदेखि कर नतिरेका वा जरिवाना लागेको मोटरसाइकललाई पनि एक्सचेन्जमा समावेश गरिएको छ । यस्तो अवस्थामा लाग्ने कर तथा जरिवाना रकम बजाजले नै व्यहोर्ने व्यवस्था गरिएको कम्पनीको भनाइ छ ।

मेलामा नयाँ मोटरसाइकल खरिद गर्ने ग्राहकलाई हेल्मेट, लेगगार्ड लगायतका फ्री एसेसोरिज पनि उपलब्ध गराइँदैछ । आयोजकका अनुसार मेलाप्रति ग्राहकको आकर्षण दिनप्रतिदिन बढ्दो छ ।