१५ जेष्ठ २०७६, बुधबार ०६:३६ बुधवार साप्ताहिक, नयाँबानेश्वर, काठमाण्डौं

ओली भोली भारत जाने

काठमाडौं । गत साता सम्पन्न लोकसभा निर्वाचनमा एक्लै झन्डै दुई तिहाइ सिट प्राप्त दल भारतीय जनता पार्टीका नेता नरेन्द्र मोदीले दोस्रो कार्यकालको प्रधानमन्त्रीका रूपमा भोलि पद तथा गोपनीयताको शपथ लिँदै छन् । उनको शपथग्रहण समारोहमा सहभागी हुन नेपालका प्रधानमन्त्री केपी शर्मा ओली भोली त्यसतर्फ जाँदै छन् ।
मोदीको शपथग्रहण समारोहमा भाग लिन बिमस्टेक मुलुकका अतिथिलाई निम्तो गरिएको छ । सोमबार मात्रै निम्तो आएको हो । पहिलो कार्यकालमा मोदीले सार्क मुलुकका सरकार प्रमुख तथा राष्ट्र प्रमुखलाई शपथग्रहण समारोहमा आमन्त्रण गरेका थिए । यसपटक भने उनले बिमस्टेक राष्ट्रको दायराभित्रबाट अतिथि बोलाउँदै छन् । बिमस्टेक राष्ट्रको सदस्यमा सार्क राष्ट्रका तीन सदस्य मुलुक समावेश छैनन् । सार्क राष्ट्रका सदस्य पाकिस्तान, माल्दिभ्स र अफगानिस्तानबाहेक अन्य पाँच मुलुक बिमस्टेकमा सदस्य छन् । बिमस्टेकमा भारत, नेपाल, भुटान, बंगलादेश, श्रीलंका, थाइल्यान्ड र म्यानमार सदस्य छन् ।
प्रधानमन्त्रीका रूपमा ओलीले भोलि गर्ने भारत भ्रमण तेस्रो हो । यसअघि पहिलोपटक प्रधानमन्त्री भएका बेला नाकाबन्दीपछि भारत भ्रमण गरेका थिए भने दोस्रोपटक आफू दोस्रोपटक प्रधानमन्त्री भएपछि उनी भारत भ्रमणमा गएका थिए । ओली शुक्रबार स्वदेश फर्कने कार्यक्रम छ ।