२६ आश्विन २०८०, शुक्रबार ०३:४१ बुधवार साप्ताहिक, नयाँबानेश्वर, काठमाण्डौं

एमाले नेता पौडेल मृत फेला

२६ आश्विन,काठमाडौं । बाराको जितपुर सिमरा उपमहानगरपालिकाका पूर्वमेयर तथा नेकपा एमाले नेता कृष्ण पौडेल घरमै मृत फेला परेका छन् ।

नेता पौडेल हिजो बिहीबार साँझ जितपुर सिमरा उपमहानगरपालिका २ स्थित घरमै मृत भेटिएका हुन् ‌। जिल्ला प्रहरी कार्यालय बाराका प्रवक्ता डीएसपी दधिराम न्यौपानेले पौडेल मृत फेला परेको पुष्टि गरे ।

घरमा घोप्टो परेको अवस्थामा उनको शव फेला परेको छ । उनको मृत्यू कसरी भएको विषयमा अहिले केही नखुलेको र प्रहरी घटनास्थलमा पुगेर अनुसन्धान गरिरहेको डीएसपी न्यौपानेले बताए । नेकपा एमाले मधेश प्रदेशका पूर्वसचिवसमेत रहेको पौडेलको मृत्यु रहस्यमयी देखिएको छ ।