२२ जेष्ठ २०७६, बुधबार ०६:०७ बुधवार साप्ताहिक, नयाँबानेश्वर, काठमाण्डौं

एनआईसीका थप दुई शाखारहित बंैकिङ सेवा

काठमाडौं । एनआईसी एसिया बैंकले सहरी तथा ग्रामीण जिल्लाहरूमा समेत आफ्नो सशक्त उपस्थिति जनाउँदै गाउँ–गाउँमा वित्तीय पहुँच तथा वित्तीय सबलीकरणका लागि शाखारहित बैंकिङ सेवा प्रदान गर्दै आइरहेकोे छ ।
सोही क्रममा झापा जिल्लाको केचनाकवल गाउँपालिका–१ को घेराबारी र स्याङ्जाको आँधीखोला गाउँपालिका–१ को पञ्चमूलमा क्रमशः आफ्नो ३०औं र ३१औंं शाखारहित बैंकिङ सेवा जेठ २० गतेबाट सञ्चालनमा ल्याएको छ । केचनाकवल गाउँपालिकाको घेराबारीमा सञ्चालनमा ल्याइएको शाखारहित बैंकिङ सेवाको उद्घाटन बैंकका दमक क्षेत्रीय कार्यालयका सम्बन्ध प्रबन्धक विशाल घिमिरले गरे भन आँधीखोला गाउँपालिका पञ्चमूलमा सञ्चालनमा ल्याइएको शाखारहित बैंकिङ सेवाको पञ्चमूल गाउँपालिका–१ का वडाध्यक्ष लोकप्रसाद ढकालले गरे । शाखारहित बैंकिङ सेवाबाट देशका विभिन्न ग्रामीण क्षेत्रका स्थानीयवासीले आफ्नो गाउँमै स्थानीय प्रतिनिधिमार्फत बैंकिङ सेवा लिन सक्नेछन् ।