१७ कार्तिक २०८०, शुक्रबार ०७:०० बुधवार साप्ताहिक, नयाँबानेश्वर, काठमाण्डौं

विमानस्थलमै कुटाकुट गर्ने दुई पाइलटको लाइसेन्स निलम्बित

१७ कात्तिक, काठमाडौं । नेपाल नागरिक उड्डयन प्राधिकरणले रामेछापस्थित मन्थली विमानस्थलमा कुटाकुट तथा हात हालाहाल गर्ने दुई पाइलटलाई ग्राउण्डेड गरेको छ ।

प्राधिकरणका अनुसार तारा एयरका क्याप्टेन सन्तोष शाह र सञ्जीव श्रेष्ठको लाइसेन्स सस्पेन्समा परेको हो । उनीहरुबारे थप अनुसन्धान हुने र कारवाही प्रक्रिया अगाडि बढाइने प्राधिकरणले जनाएको छ ।

शुक्रबार बिहान लुक्लाबाट मन्थली विमानस्थलमा जहाज अवतरण गराएका पाइलटबीच जहाजबाट झरेपछि हात हालाहालको अवस्था आएको थियो ।