१५ फाल्गुन २०७८, आईतवार ०७:३९ बुधवार साप्ताहिक, नयाँबानेश्वर, काठमाण्डौं

स्वास्थ्यमन्त्री र मुख्य सचिवले गरे अङ्गदानको घोषणा

१५ फागुन, काठमाडौं । स्वास्थ्य तथा जनसंख्यामन्त्री विरोध खतिवडा र नेपाल सरकारका मुख्यसचिव शंकरदास बैरागीले अङ्गदान गर्ने घोषणा गरेका छन् ।

आइतबार राष्ट्रिय स्वास्थ्य सेवा दिवस-२०७८ को अवसरमा बोल्दै मन्त्री खतिवडा र मुख्यसचिव बैरागीले मुत्युपश्चात् अङ्गदान गर्ने घोषणा गरेका हुन् । कार्यक्रममा स्वास्थ्यमन्त्री खतिवडाले आफू अंगदान गर्न इच्छुक रहेको र लिखित हस्ताक्षर गराउने व्यवस्था मिलाइ दिन आग्रह गरे ।

त्यस्तै, नेपाल सरकारका मुख्यसचिव शंकरदास बैरागीले आफू अङ्गदान गर्न इच्छुक रहेको र आगामी दिनमा स्वेच्छिक धारणाहरू सार्वजनिक गर्ने बताए । उनले नेपालले विगत दुई वर्षयता स्वास्थ्य पूर्वाधार र जनशक्ति विकासको क्षेत्रमा उल्लेख्य फड्को मारेको पनि बताए ।