१२ माघ २०७३, बुधबार १०:३८ बुधवार साप्ताहिक, नयाँबानेश्वर, काठमाण्डौं

चुनावमा छक्का–पन्जा चल्दैन : ओली

काठमाडौं । नेकपा (एमाले) का अध्यक्ष केपी शर्मा ओलीले सरकारले चुनाव गर्ने विषयमा छक्का–पन्जा गर्नै नसक्ने बताएका छन् । स्थानीय तह कर्मचारी संघको अधिवेशन शनिबार उद्घाटन गर्दै ओलीले त्यस्तो बताएका हुन् ।
‘स्थानीय तहको निर्वाचन हुन्छ, तर सरकारको ताल हेर्दा कहिले हुन्छ भन्न सकिने स्थिति छैन, ओलीले भने, ‘प्रधानमन्त्रीलाई भेटेरै भन्छु, चुनावको छक्का–पन्जा फिल्म त चल्ला, तर एमालेलाई चल्दैन ।’ उनले संविधान कार्यान्वयनका लागि तत्काल निर्वाचन घोषणा नहुने हो भने सरकारको औचित्य सकिनेसमेत स्पष्ट पारे । ‘चुनाव तुरुन्तै घोषणा गर्नुपर्छ, त्यसो गरिँदैन भने यो सरकारको औचित्य सकिन्छ,’ ओलीले भने ।
संघीयतापछि मुलुकमा निर्वाचनबाट स्थानीय तहको सरकार निर्माण हुन लागिरहेकाले निर्वाचित भएर आउने राजनीतिक नेतृत्वलाई कर्मचारीहरूले आवश्यक सहयोग गर्नुपर्नेमा ओलीले जोड दिए ।