14th August 2018, Tuesday

E-budhabar

नेकपाको विधान र नियमावली पारित



महाधिवेशन प्रतिनिधि बन्न ओली र प्रचण्डले पनि चुनाव लड्नुपर्ने
काठमाडौं । नेपाल कम्युनिस्ट पार्टी (नेकपा) ले सबै कमिटीका पदाधिकारी र सदस्यले महाधिवेशन र अधिवेशनमा प्रतिनिधिमा भाग लिन अनिवार्य निर्वाचित हुनुपर्ने वैधानिक व्यवस्था गरेको छ ।
नेकपा केन्द्रीय सचिवालयको मंगलबार सम्पन्न बैठकले जुनसुकै तहको महाधिवेशन र अधिवेशनमा प्रतिनिधि बन्न सबै कमिटीका पदाधिकारी र सदस्य अनिवार्य निर्वाचित हुनुपर्ने व्यवस्थासहितको विधान र नियमावली पारित गरेको हो । प्रकाशनपछि विधान र नियमावली दुई दिनभित्रै जिल्लाहरूमा पठाउने नेकपाको तयारी छ ।
यो व्यवस्थासँगै अध्यक्षद्वय ओली र पुष्पकमल दाहाल ‘प्रचण्ड’ले पनि आगामी महाधिवेशनमा भाग लिन सदस्यता रहेको भूगोलबाट प्रतिनिधि निर्वाचित हुनुपर्नेछ । तत्कालीन नेकपा (एमाले) र नेकपा (माओवादी केन्द्र) बीच गत जेठ ३ गते एकता भएपछि बनेको केन्द्रीय कमिटीका ४ सय ४१ सदस्य तथा मातहतका प्रदेश, जिल्ला कार्यसमितिका सदस्यले सम्बन्धित कमिटीमा रहेका संगठित सदस्यबीच प्रतिस्पर्धा गरी प्रतिनिधि निर्वाचित हुनुपर्नेछ । विगतमा एमालेले प्रतिनिधि निर्वाचन चयनको प्रणाली अभ्यास गर्दै आए पनि माओवादी केन्द्रमा आवधिक र नियमित महाधिवेशन÷अधिवेशन नभएकाले यस्तो अभ्यासको कार्यान्वयन भएको थिएन । महाधिवेशन प्रतिनिधि बन्न चर्को प्रतिस्पर्धा हुने भएकाले अब केन्द्रदेखि जिल्ला तहसम्मका सबै नेता जनता र कार्यकर्ताबीच लोकप्रिय रूपमा स्थापित हुने गरी काम गर्नुपर्नेछ ।
महासचिव विष्णुप्रसाद पौडेलका अनुसार सम्पादनका क्रममा रहेको विधानलाई सचिवालयको छैटौं बैठकले प्रकाशन गर्न अनुमति दिएकाले अब चाँडै विधान र नियमावली सार्वजनिक गरिने बताए । एकतापछिको पहिलो महाधिवेशनमा सहमतिका आधारमा नेतृत्व चयन गर्ने आन्तरिक समझदारी शीर्ष नेताबीच भएको बताइए पनि प्रतिनिधि चयनमा पराजित भए ती नेताले महाधिवेशनमा चुन्न र चुनिन पाउनेछैनन् ।
बैठकले आधारभूत तहसम्मको एकतालाई एकता घोषणामा उल्लेख भएको तीन महिनाभित्र पूरा गरिसक्ने गरी काम हुने महासचिव पौडेलले जानकारी दिए । विधान र नियमावली प्रकाशनपछि तल्ला कमिटीको एकताका लागि यसअघि पार्टी सचिवालयले गठन गरेका सम्बन्धित कार्यदलले प्रतिवेदन बुझाउनेछन् र पार्टीले कहाँ कहिले एकता गर्ने भन्ने कार्ययोजना तय गर्नेछ । प्रवक्ता नारायणकाजी श्रेष्ठले उक्त कार्ययोजनाबारे आज छलफल सुरु भएको र आगामी बैठकले टुंगो लगाउने जानकारी दिए । सचिवालय बैठकमा प्रधानमन्त्री ओलीले सरकारले गरेका काम र विभिन्न निर्णयबारे अवगत गराएका थिए ।
बैठकमा डा. गोविन्द केसीको माग र सरकारको आर्थिक वर्षको कार्ययोजनालगायतका विषयमा अध्यक्ष केपी ओलीले ब्रिफिङ गरेका थिए ।

 

Leave a Reply

... र यो पनि ...

चक्रपथ

सरकारको बाटोमा अदालतको तगारो

काठमाडौं । दुई तिहाइ बहुमत प्राप्त स्थिर सरकारलाई आफ्नो ढंगले काम गर्न अदालतले पटकपटक तगारो लगाएको छ । अघिल्लो सरकारले राजनीतिक आस्थाका आधारमा जाँदा जाँदै गरेका नियुक्तिहरू- ...
पूरा पढ्नुहोस्

स्रष्टा र सिर्जना

साउने प्रतिज्ञा

हरेक दिन दाह्री–जुँगा मिलाएर हिँड्ने एकजना साथी दाह्री–जुँगा पालेको अवस्था देखेपछि प्रश्न गर्न मन लाग्यो, ‘दाह्री–जुँगा पाल्न थाल्नुभएछ नि, किन यस्तो विरूप हो ?’ ती साथीले जवाफ- ...
पूरा पढ्नुहोस्

नयाँ पुस्तक

समस्याको उठान

देश, समाज र परिवारभित्र दैनन्दिन रूपमा अनेक घटनाहरू जन्मिरहेका हुन्छन् । निश्चय नै, त्यस्ता घटनाहरूले मानिसको जीवनमा सानाठूला प्रभाव पार्दछन् । कुनै घटनाको प्रभाव क्षणिक हुन्छन्- ...
पूरा पढ्नुहोस्

छोटकरीमा