१६ चैत्र २०७३, बुधबार ०६:२५ बुधवार साप्ताहिक, नयाँबानेश्वर, काठमाण्डौं

चुनावको मुखमा एमाले नेता स्कुलमा

काठमाडौं । स्थानीय तहको निर्वाचनको संघारमा एमाले केन्द्रीय स्कुल विभागले पार्टी नेताहरूका लागि प्रशिक्षण सुरु गरेको छ ।
तुल्सीलाल स्मृति प्रतिष्ठानको कार्यालय, च्यासलमा मंगलबारबाट सुरु भएको तिनदिने स्कुल प्रशिक्षणमा केन्द्रीय तहका नेताहरू सहभागी छन् । प्रशिक्षणमा एमालेको ३१ वटा केन्द्रीय विभागमध्ये २८ विभागका सचिव, वैकल्पिक केन्द्रीय सदस्यसहित ४३ जना सहभागी छन् । अघिल्लामा छुटेका केहीलाई समेत चालू प्रशिक्षणमा सहभागी गराइएको बताइएको छ । केन्द्रीय सदस्य तथा विभागका सचिव ईश्वरी रिजालले तिनदिने प्रशिक्षण बन्द प्रशिक्षणका रूपमा अन्तक्र्रियात्मक हुने बताए ।
पार्टी नीति, इतिहास, कूटनीति, माक्र्सवादी अर्थशास्त्र, दर्शनलगायतका विषयमा सहभागीहरूलाई प्रशिक्षित गरिने स्कुल विभागले जनाएको छ । विभागले आठ महिनायता पार्टी केन्द्रीय कमिटीका वैकल्पिक सदस्य, जनसंगठनका पदाधिकारी र सचिवालय सदस्य, केन्द्रीय सम्पर्क समन्वय कमिटीका पदाधिकारी र सदस्यहरूलाई लगातार प्रशिक्षक प्रशिक्षण दिइसकेको छ । प्रशिक्षणका क्रममा करिब ४ सयजनाभन्दा बढी दीक्षित भइसकेकको जनाइएको छ । प्रशिक्षण धेरै महŒवपूर्ण हुने भएकाले चुनावी तयारीको चटारोबीच पनि पार्टी नेताहरूका लागि प्रशिक्षण चलाएको बताइएको छ । सहभागीहरूलाई अध्यक्ष केपी ओलीलगायतका शीर्ष नेताहरूले दीक्षित गर्दै आएका छन् ।