१७ माघ २०७४, बुधबार ०३:३७ बुधवार साप्ताहिक, नयाँबानेश्वर, काठमाण्डौं

मेगा बैंकको मुनाफा बढ्यो

काठमाडौं । मेगा बैंक नेपाल लिमिटेडले दोस्रो त्रैमासिक अवधिमा मुनाफा ह्वात्तै बढाएको छ । चालू आर्थिक वर्षको पहिलो त्रैमासिक अवधिको तुलनामा दोस्रो त्रैमासिकमा मेगा बैंकले ह्वात्तै नाफा बढाएको छ । बैंकका अनुसार पहिलो त्रैमासिक अवधिमा ८ करोड ११ लाख मात्र खुद मुनाफा गरेको मेगाले पुस मसान्तसम्म ३९ करोड ३६ लाख रूपैयाँ कमाएको छ, जुन ३८५ प्रतिशतको वृद्धि हो ।
दोस्रोे त्रैमासिक अवधिमा बैंकको निक्षेप ६ अर्ब १८ करोड रूपैयाँले वृद्धि भएको छ भने कुल कर्जा ५ अर्ब ४८ करोड रूपैयाँले बढेको छ । अघिल्लो त्रैमासिक अवधिमा यी दुवैमा बैंकको वृद्धि १ अर्बभन्दा कम रहेको थियो । बैंकको निष्क्रिय कर्जा पनि घटेर १ प्रतिशतभन्दा कम रहेको छ । ६५ प्रतिशतको हकप्रद सेयर यसै त्रैमासिक अवधिमा बाँडफाँड भएका कारण बैंकको चुक्ता पुँजीमा पनि उल्लेख्य वृद्धि भएको छ । जसले बैंकको प्रतिसेयर आम्दानी अनुपातलाई प्रतिकूल असर गरे पनि खुद मुनाफामा भएको उल्लेख्य वृद्धिले अघिल्लो त्रयमासको ६.८८ प्रतिशतको तुलनामा यो त्रयमासमा प्रति सेयर आम्दानी १०.६४ प्रतिशत कायम भएको छ ।
टुरिजम डेभलपमेन्ट बैंकसँग मर्जरको प्रक्रियामा रहेको मेगा बैंकको वित्तीय आकार र सूचकहरूमा थप सुधार हुने देखिएको छ ।