२९ जेष्ठ २०७६, बुधबार ०५:३६ बुधवार साप्ताहिक, नयाँबानेश्वर, काठमाण्डौं

प्रधानमन्त्रीे युरोप भ्रमणमा

काठमाडौ । प्रधानमन्त्री तथा नेकपाका अध्यक्ष केपी शर्मा ओली जेठ २५ गतेदेखि युरोप भ्रमणमा छन् । उनी नौ दिनका लागि भ्रमणमा निस्केका हुन् ।
युरोपका स्विजरल्यान्ड, बेलायत र फ्रान्सको भ्रमणमा निस्केका प्रधानमन्त्री ओलीले जेठ २६ गते स्विजरल्यान्डको जेनेभामा आयोजना भएको अन्तर्राष्ट्रिय श्रम संगठनको वार्षिक साधारण सभालाई सम्बोधन गरे ।
त्यसपछि प्रधानमन्त्री ओली जेठ २७ गते बेलायत प्रस्थान गरे । त्यहाँ अक्र्सफोर्ड युनियनले आयोजना गरेको विशेष समारोहलाई सम्बोधन गर्नेछन् । बेलायत भ्रमणमा रहँदा प्रधानमन्त्री ओलीले त्यहाँका समकक्षी थेरेसा मेसँग औपचारिक भेटवार्ता गर्ने परराष्ट्र मन्त्रालयले जानकारी गराएको छ ।
प्रधानमन्त्री ओलीले बेलायतपछि फ्रान्सको राजधानी पेरिसमा आयोजना हुने उच्चस्तरीय राजनीतिक भेटवार्तामा सहभागी हुनेछन् । परराष्ट्रमन्त्री ज्ञवालीले प्रधानमन्त्रीले फ्रान्समा रहँदा त्यहाँका लगानीकर्तासँग नेपालमा लगानी भिœयाउने विषयमा समेत छलफल गर्ने कार्यक्रम छ । प्रधानमन्त्री ओली आगामी १ असारमा स्वदेश फर्कने कार्यक्रम छ ।