२० चैत्र २०७५, बुधबार ०४:५७ बुधवार साप्ताहिक, नयाँबानेश्वर, काठमाण्डौं

लैंगिक हिंसाविरुद्ध जनचेतामूलक कार्यक्रम

काठमाडौँ । समुदाय प्रहरी साझेदारी अवधारणाअनुसार काठमाडौँ जिल्लास्तरीय लैंगिक हिंसा नियन्त्रण सञ्जाल समितिको बैठकले लैंगिक हिंसाविरुद्ध जनचेतामूलक कार्यक्रम तथा अनुगमन सञ्चालन गर्ने निर्णय गरेको छ । महानगरी प्रहरी परिसर काठमाडौंका प्रमुख तथा प्रहरी वरिष्ठ उपरीक्षक वसन्तकुमार लामाको अध्यक्षतामा बसेको बैठकले काठमाडौंको भीमढुंगामा जनचेतनामूलक कार्यक्रम सञ्चालन गर्ने, डान्सबार, मसाज सेन्टर र इँट्टाभट्टाहरूमा अनुगमन गर्ने निर्णय गरेको हो । सो स्थानहरूमा लैंगिक हिंसा नियन्त्रण तथा १९ वर्षभन्दा मुनिका बालबालिकालाई काममा लगाएको वा नलगाएको लगायतका विषयमा अध्ययन गर्नेछ । समाजमा हुने अपराध रोकथाम गर्ने, सामाजिक विकृत–विसंगतिविरुद्ध जनचेतना फैलाउने एवं जनसहयोगमा सामुदायिक सुरक्षा गर्ने उद्देश्यले सो समिति गठन गरिएको हो ।