७ कार्तिक २०७८, आईतवार १४:०५ बुधवार साप्ताहिक, नयाँबानेश्वर, काठमाण्डौं

माधव नेपाललाइ पाटिमा लिन सकिदैन अरू पार्टीमा फर्किए हुन्छ : ओली

७ कात्तिक, झापा । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले माधवकुमार नेपाल नेतृत्वको नेकपा (एकीकृत समाजवादी) मा गएका नेता कार्यकर्तालाई एमालेमा फर्किएर काम गर्न आग्रह गरेका छन् ।

आज झापामा आयोजित पार्टी प्रवेश कार्यक्रममा उनले नेता नेपाललाई भने एमालेले नलिने बताए । माधव नेपाल बाहेक अरू पार्टीमा फर्किए हुन्छ । माधव नेपाल जस्ता अपराधी तत्वलाई फेरि नेकपा एमालेले लिंदैन । यो पार्टी भनेको देश बनाउन हिंडेका साथीहरूको पार्टी हो, ओलीले भने, माधव नेपाल जस्ता देशी विदेशी तत्वहरुको सेवामा उनीहरूसँग साँठगाँठ गरेर, कम्युनिस्ट आन्दोलनलाई समाप्त पार्नेहरूका लागि यो पार्टीले लिँदैन । उनले अझै पनि नेता नेपालसँग ‘के पछि लागेको’ भन्दै प्रश्न गरेका छन् ।

अध्यक्ष केपी शर्मा ओलीले गठबन्धन बनाउँदैमा अस्थिर र विध्वंशकारी तत्वलाई जनताले निर्वाचनमा भोट नदिने बताएका छन् । झापाको बिर्तामोडमा आज आयोजित पार्टी प्रवेश कार्यक्रममा बोल्दै एमाले अध्यक्ष ओलीले गठबन्धन दलको असली नियत जनताले देखिसकेको बताएका हुन् ।

कांग्रेस नेतृत्वको गठबन्धन सरकार साढे तीन महिना नपुग्दै ढलपल गरिरहेको बताउँदै एमाले अध्यक्ष ओलीले भने, एमाले नेतृत्वको सरकारलाई चौतर्फी घेराबन्दीमा पारेर पनि हटाउन तीन वर्ष लागेको सबैलाई थाहा छ । आफै भन्नुस् यो सरकार कति कमजोर छ । अध्यक्ष ओलीले राजदूत फिर्ता गरेर प्रधानमन्त्री विदेश भ्रमणमा जानु लज्जास्पद भएको टिप्पणी गरे ।