14th August 2018, Tuesday

E-budhabar

आईजीको नाम भजाएर डीएसपीको फुर्ती



काठमाडौं । जनताको जीउधनको सुरक्षा गर्नु प्रहरी प्रशासनको पहिलो कर्तव्य हो । तर, प्रहरीले नै साधारण जनताको ज्यानमाथि नै धावा बोल्छन् भन्ने त्यसलाई के भन्ने ? रामेछापको इज्चार्ज भएर गएको ६ महिना नबित्दै डीएसपी अमरेन्द्रबहादुर सिंह ठकुरीका कारण स्थानीय जनता त्रसित बन्न पुगेका छन् ।
रामेछाप र सोलुखुम्बुको सिमाना भएर बग्ने लिखु खोलामा सभासद् तथा व्यापारी मोती दुगडको लगानीका लिखु जलविद्युत् आयोजनासहित तीनवटा जलविद्युत् आयोजनाको काम धमाधम भइरहेको छ । ती आयोजनामा स्थानीयको अवरोध आउन नदिन भन्दै उनले डीएसपी ठकुरीलाई खरिद गरेको बुझिएको छ । दुगडले त्यहाँ स्थानीयका कुनै किसिमका जायज÷नाजायज माग नआउन भन्दै डीएससी ठकुरीलाई २० लाख नगद र ५ लाखबराबरको त्यहीको हाइड्रो पावरको सेयर दिएको बुझिएको छ । त्यति मात्र होइन, यो कामका लागि रामेछामको उमाकुण्ड गाउपालिकाअन्र्तगतको इलाका प्रहरी कार्यालयका इन्सपेक्टर राजकुमार तामाङलई पनि खरिद गरिएको स्रोतको दाबी छ । इन्सपेक्टरको कार्यक्षेत्र रामेछापको उमाकुण्ड भए पनि उनी खोलापारि सोलुको लिखुपिके गाउँपालिकामा अड्डा जमाएर बस्ने गरेका छन् । स्थानीयको मुखमा बुजो लगाउन इन्सपेक्टर तामाङलाई १० लाख नगद र ३ लाख बराबरको सेयर दिइएको स्रोतको दाबी छ । आफू आइजी सर्वेन्द्र खनालको खास मान्छे हुँ भन्दै अहिले डीएसपी ठकुरी र इन्सपेक्टर तामाङले जिल्लामा आतंक मच्चाएका छन् । दुगडको हाइड्रको प्रभावित क्षेत्रका जनतालाई यहाँ कोही कुनै माग राखेर अवरोध गर्न आयो भने बन्दुकले उडाइदिन्छु भन्दै डीएसपी ठकुरीले थर्काउने गरेको स्थानीयले बताएका छन् ।

 

 

Leave a Reply

... र यो पनि ...

चक्रपथ

सरकारको बाटोमा अदालतको तगारो

काठमाडौं । दुई तिहाइ बहुमत प्राप्त स्थिर सरकारलाई आफ्नो ढंगले काम गर्न अदालतले पटकपटक तगारो लगाएको छ । अघिल्लो सरकारले राजनीतिक आस्थाका आधारमा जाँदा जाँदै गरेका नियुक्तिहरू- ...
पूरा पढ्नुहोस्

स्रष्टा र सिर्जना

साउने प्रतिज्ञा

हरेक दिन दाह्री–जुँगा मिलाएर हिँड्ने एकजना साथी दाह्री–जुँगा पालेको अवस्था देखेपछि प्रश्न गर्न मन लाग्यो, ‘दाह्री–जुँगा पाल्न थाल्नुभएछ नि, किन यस्तो विरूप हो ?’ ती साथीले जवाफ- ...
पूरा पढ्नुहोस्

नयाँ पुस्तक

समस्याको उठान

देश, समाज र परिवारभित्र दैनन्दिन रूपमा अनेक घटनाहरू जन्मिरहेका हुन्छन् । निश्चय नै, त्यस्ता घटनाहरूले मानिसको जीवनमा सानाठूला प्रभाव पार्दछन् । कुनै घटनाको प्रभाव क्षणिक हुन्छन्- ...
पूरा पढ्नुहोस्

छोटकरीमा