५ पुष २०८०, बिहीबार ०४:०३ बुधवार साप्ताहिक, नयाँबानेश्वर, काठमाण्डौं

एमालेले पुस ८ गते पत्रकार सम्मेलन गर्ने

५ पुस, काठमाडौं । १९ दिनसम्मको मध्यपहाड यात्राका क्रममा देखेका समस्या र ती समस्या समाधानको उपायबारे जानकारी दिन नेकपा एमाललेले यहि पुस ८ गते पत्रकार सम्मेलन गर्ने भएको छ । यसअघि आज अर्थात पुस ५ मा गर्ने भनिएको पत्रकार सम्मेलन हिजो बसेको सचिवालय बैठकले ८ गतेका लागि सारेको हो ।

लामो यात्राको प्रतिवेदन लेखन, अन्य कार्यक्रमहरुको तयारीमा केही समय लाग्ने भएकोले आजको कार्यक्रम आठ गतेलाई सारिएको र ८ गते दिउसो एक बजे पार्टी केन्द्रीय कार्यालयमा विशेष पत्रकार सम्मेलन गरेर यात्राबाट एमालेले पत्ता लगाएका मध्यपहाडका समस्या र समाधानका उपायका बारेमा जानकारी गराइने एमाले प्रचार विभाग प्रमुख राजेन्द्र गौतमले बताएका छन् ।
पार्टी केन्द्रीय कार्यालय च्यासलमा हिजो भएको सचिवालयको अनौपचारिक बैठकमा नेताहरुले एमालेको यात्रालाई अभूतपूर्व रुपमा साथ दिएर अपनत्व लिएको र अध्यक्ष केपी शर्मा ओली सहित पदाधिकारीको अनौपचारिक बैठकले यात्रामा साथ दिने सम्पूर्ण नेता,कार्यकर्ता,शुभचिन्त्कहरुलाई धन्यवाद ज्ञापन गरेको गौतमले जानकारी दिए ।