16th August 2018, Thursday

E-budhabar

मन्त्री र सचिवको जातीय प्रेम !



मन्त्री र सचिवको जातीय प्रेम !

काठमाडौैं । गृह मन्त्रालयका सचिव प्रेमकुमार राई प्रशासनिक वृत्तमा इमानदार भनेर चिनिन्छन् । तर, उनी गृह मन्त्रालयमा सरुवा भइसकेपछि भएका प्रहरीका सरुवाबढुवाले उनको छविमाथि नै प्रश्न उठ्न थालेको छ । मलेसिया वैदेशिक रोजगारीमा जानेहरूसँग चर्को शुल्क लिएर सिन्डिकेट कायम गर्ने बायोमेट्रिकका दोषीमध्येका देवान राईलाई छाड्न प्रहरीलाई दबाब दिएको घटनाबाट उनी विवादमा आइसकेका छन् । मेरिडियन नामक स्वास्थ्य संस्था ३९ बायोमेट्रिक स्वास्थ्य परीक्षण गर्नेमध्येको एक हो । उनीसहित बायोमेट्रिक स्वास्थ्यमार्फत मलेसिया जाने कामदारसँग ५ अर्बभन्दा बढी ठगी गर्ने २३ व्यवसायीलाई प्रहरीले पक्राउ गरेको थियो । त्यसमा देवान राई पनि परेका थिए । राई राष्ट्रपति विद्यादेवी भण्डारी संरक्षक रहेको रामप्रसाद राई प्रतिष्ठानको महासचिव हुन् । प्रतिष्ठानलाई यो वर्ष पर्यटन तथा नागरिक उड्डयन मन्त्रालयले २ करोड ५० लाख बजेट पनि छुट्ट्याएको छ । तिनै राई ठगी अभियोगमा पक्राउ परेपछि गृहसचिव राईले २० हजार रूपैयाँ धरौटीमा छाड्न दबाब दिएको कुरा बाहिर आयो ।
प्रहरीका सरुवामा पनि सचिव राईले राई थर भएकालाई राम्रो ठाउँमा लान दबाब दिएको खुलेको छ । डीएसपी श्याम राईलाई महानगरीय प्रहरी वृत्त बौद्ध, इन्सपेक्टर राजकुमार राईलाई बूढानीलकण्ठ प्रभागको इन्चार्ज र रामकुमार राईलाई बेलबारी इलाका प्रहरी कार्यालयको इन्चार्जमा सरुवा गरेका छन् । राजकुमार राईले इन्सपेक्टर पास हुन एमाले नेता डीबी कार्कीलाई घुस दिएपछि उनको राजनीतिक जीवन नै चौपट भएको छ । उनले प्रहरीका सरुवा बढुवामा राई थरलाई विशेष जोडका साथ मौका दिनुपर्ने दबाब दिएका यी उदाहरण हुन् । गृहमन्त्री रामबहादुर थापाले मगर भएकै कारण ओम रानाजस्ता विवादितलाई कास्कीको प्रहरी प्रमुख र कृष्ण पल्ली मगरलाई ३२ नम्बरबाट १३ नम्बरमा एसपी बढुवा गरेका छन् । गृहमन्त्री मगर र सचिव राई हुँदा देखाएको यो जातीय प्रेम कर्मचारीबीच चर्चाको विषय बन्ने गरेको छ ।

Leave a Reply

... र यो पनि ...

चक्रपथ

वैकल्पिक ऊर्जामा कार्यकारीका लागि दौडधुप तीव्र

काठमाडौं । दर्जनौं दातृ संस्थाहरूको अर्बौं रकम ब्रह्मलुट गर्ने संस्था वैकल्पिक ऊर्जा प्रवद्र्धन केन्द्रको प्रमुख हुन तीव्र दौडधुप सुरु भएको छ । चार वर्षअघि केन्द्रको कार्यकारी- ...
पूरा पढ्नुहोस्

स्रष्टा र सिर्जना

अब खुल्दैन ‘साहित्य संसार’को दैलो !

‘बाबा ! म त धेरै बाँच्दिनँ, डाक्टरले १० वर्षको समय दिएको छ ।’ मिर्गाैला प्रत्यारोपणपछि नियमित डायलाइसिसका रहेको साहित्यकार एवं वरिष्ठ रेडियोकर्मी दाहाल यज्ञनिधिले भन्ने गर्नुहुन्थ्यो- ...
पूरा पढ्नुहोस्

नयाँ पुस्तक

सत्यापनको नजिक

आफ्नो जीवन–गाथा रच्ने इच्छा कसलाई हुँदैन र ? जीवनका अँध्यारा–उज्याला तस्बिरहरुलाई फ्रेममा टाँग्ने उत्साहले डोरिँदै समाजका प्रबुद्ध अनुहारहरुले आत्मकथा लेखिरहेका छन् । तर,- ...
पूरा पढ्नुहोस्

छोटकरीमा