14th December 2017, Thursday

E-budhabar

यसरी छान्दै छ एमालेले प्रतिनिधिसभा र प्रदेशमा उम्मेदवार



यसरी छान्दै छ एमालेले प्रतिनिधिसभा र प्रदेशमा उम्मेदवार

काठमाडौं । नेकपा (एमाले) ले प्रतिनिधिसभा र प्रदेशसभा सांसद छान्न प्रारम्भिक तयारी अघि बढाएको छ । त्यसका निम्ति उम्मेदवार सिफारिस गर्ने दुई छुट्टाछुट्टै कमिटी गठन गर्ने निर्णय गर्दै एमालेले प्रारम्भिक तयारी अघि बढाएको हो । स्थायी समितिको सोमबारको बैठकले पुरानो ढाँचाको निर्वाचन क्षेत्रीय कमिटी विस्थापित गर्दै प्रतिनिधिसभा निर्वाचन कमिटी र प्रदेशसभा निर्वाचन कमिटी गठन गर्ने निर्णय गरेको छ ।
त्यसअनुसार एमालेको जिल्लामातहतका पुरानो ढाँचाका कमिटी निर्वाचन क्षेत्र निर्धारण आयोगको निर्णयअनुसार १ सय ६५ वटा प्रतिनिधिसभा निर्वाचन कमिटी र ३ सय ३० वटा प्रदेशसभा निर्वाचन कमिटीमा पुनर्गठित भएका छन् । जिल्ला तहमा सर्कुलर पुग्नेबित्तिकै पुरानो क्षेत्रीय कमिटी विस्थापित भएर नयाँ कमिटी बन्ने उपाध्यक्ष वामदेव गौतमले बताए । तिनै कमिटीले आगामी १० र २१ मंसिरमा हुने प्रतिनिधिसभा र प्रदेशसभा निर्वाचनका लागि उम्मेदवार सिफारिसको काम गर्ने उनको भनाइ छ । ‘नयाँ बन्ने कमिटीको छिट्टै बैठक बसेर ३÷४ जनाको नाम सिफारिस गर्नेछन्,’ गौतमले भने, ‘सिफारिस भएर आएका नाम जिल्ला कमिटी र प्रदेश संगठन कमिटीले आवश्यक सुझावसहित स्थायी समितिमा पठाउने गरी तयारी भइरहेको छ ।’ यो प्रक्रियाअनुसार अब केन्द्र र प्रदेश संसद्का लागि उम्मेदवार छनोट आरम्भ भएको गौतमले प्रस्ट्याए ।

यसरी बन्दै छन् नयाँ कमिटी

स्थायी समितिको निर्णयअनुसार १ सय ६५ वटा प्रतिनिधिसभा निर्वाचन कमिटीमा पुरानो क्षेत्रीय कमिटीका सदस्यहरू स्वतः सदस्य हुनेछन् । संयोजक भने जिल्ला कमिटीले वरिष्ठ सदस्यमध्येबाट तोक्ने स्थायी समिति सदस्य सुरेन्द्र पाण्डेले बताए । त्यसअनुसार सम्बन्धित क्षेत्रबाट प्रतिनिधित्व गर्ने जिल्ला कमिटीमा रहेकामध्ये वरिष्ठ सदस्य सो कमिटीको संयोजक बन्नेछन् । त्यस्तै, प्रदेशसभा निर्वाचन कमिटीमा सम्बन्धित क्षेत्रका क्षेत्रीय कमिटी सदस्य, गाउँपालिका, नगरपालिका कमिटीका अध्यक्षहरू सदस्य रहनेछन् भने जिल्ला कमिटीले संयोजक तोक्नेछ । केन्द्रीय सचिवालयले प्रदेश र जिल्लालाई सर्कुलर पठाएलगत्तै दुवै कमिटी बन्नेछन् ।
एमालेले दुवै संसद्का लागि पार्टीका तर्फबाट छनोट हुने सांसदका उम्मेदवारका लागि छिट्टै मापदण्ड बनाउने भएको छ । मापदण्डका विषयमा अब बस्ने स्थायी समिति बैठकमा छलफल गर्ने एमालेको तयारी छ । स्थायी समितिले पठाउने मापदण्डका आधारमा नवगठित प्रतिनिधिसभा र प्रदेशसभा कमिटीले सांसदका उम्मेदवार सिफारिस गरेर माथिल्लो कमिटीमा पठाउनेछन् ।

Leave a Reply

... र यो पनि ...

चक्रपथ

कुमारी र एनसीसी बैंक डुबाउने खेलमा को–को ?

काठमाडौं । काण्डैकाण्डमा मुछिएको कुमारी बैकमा फेरि पनि विवाद बल्झिएको छ । यसअगाडिका सीईओ उदयकृष्ण उपाध्याय यौन काण्डमा परेर चर्चामा आएका मात्र होइनन्, उनको जागिर नै गएको थियो- ...
पूरा पढ्नुहोस्

स्रष्टा र सिर्जना

जहाँ फुल्दै छ एउटा सार्थक सपना

आखिर सपना देख्नेहरू नै बदल्छन्– सिंगो संसार, आफू बाँचिरहेको समाज÷परिवेश । युवा सर्जक कमल ढकालसँग पनि सपनाका अनगिन्ति थाकहरू थिए । तिनै सपनामध्ये अहिले एउटा स्वप्नले सार्थक र- ...
पूरा पढ्नुहोस्

नयाँ पुस्तक

चीन बुझ्न सजिलो

पहिलो आर्थिक महाशक्ति बन्ने तीव्र दौडमा सामेल चीनले पछिल्ला अवधिमा विकास, उन्नति र समृद्धिको क्षेत्रमा मारेको फड्कोले सबैलाई चकित तुल्याउँछ । समाजवादी राज्य प्रणाली अपनाएयता- ...
पूरा पढ्नुहोस्

छोटकरीमा