24th June 2018, Sunday

E-budhabar

शशांकबाट पनि गुट नचल्ने पौडेल समूहको निष्कर्ष



काठमाडौं । प्रदेश नम्बर २ को निर्वाचनमा टिकट वितरण प्रक्रियामा विमलेन्द्र निधिको दादागिरी देखिएपछि रामचन्द्र पौडेल समूह संस्थापन समूहसँग रुष्ट बनेको छ । राम्राभन्दा पनि गुटका बफदारलाई मात्र च्याप्ने निधिको शैलीप्रति महामन्त्री शशांक कोइराला नतमस्तक बनेपछि कोइरालाबाट गुट उँभो नलाग्ने निष्कर्ष पनि सो समूहले निकालेको छ ।
उम्मेदवार छनोटको विषयमा अस्ति पार्टी कार्यलय सानेपामा बसेको बैठकमा निधिले एकलौटी प्रस्ताव गरेपछि बैठकमा सहभागी पौडेल समूहका नेताहरू कोषाध्यक्ष सीतादेवी यादव, किरण यादव, रामकृष्ण यादव, कल्याण गुरुङलगायतका नेताहरू निधिसँग बाझाबाझ गरेर निस्किएका थिए । ‘अब आइन्दा सभापतिसँगबाहेक अरूसँग कुरै गर्दैनौं’ भन्दै उनीहरू बैठक बहिष्कार गरेर निस्किएका थिए । त्यसपछि सोमबार रामचन्द्र पौडेल, प्रकाशमान सिंहले पनि सभापति तथा प्रधानमन्त्री शेरबहादुर देउवालाई भेटेर टिकट वितरणमा निधिले अचाक्ली गरेको भन्दै गुनासो पोखेका थिए । देउवाले पौडेल र सिंहसँगको भेटमा ‘म हेरौंला’ भन्दै थामथुम पारेका थिए । तर पछि निधिले आफ्नै ढंगले उम्मेदवारको नाम सार्वजनिक गरेका थिए । टिकट वितरणको जिम्मा देउवा समूहबाट निधि र पौडेल समूहबाट महामन्त्री कोइरालाले लिएका थिए । तर, कोइरालाको व्यक्ति कस्तो हो । कुन समूहको हो भन्नेसम्मको जानकारी नहुँदाको फाइदा निधिले उठाएको बताइन्छ ।
यसैबीच, भ्रष्टाचारीले जीवनभर चुनाव लड्न नपाउने गरी निर्वाचनसम्बन्धी विधेयक पास भएपछि निधि खुसी भएको बताइन्छ । खुमबहादुर खड्कालाई रोक्न निधिकै पहलमा पहिले यस्तो प्रस्ताव तयार पारिए पनि पछि खड्काको पहलमा कांग्रेस नेताहरूले नै लड्न पाउने गरी संशोधन हालेका थिए । तर, यसको तीव्र विरोध भएपछि कांग्रेसले त्यो प्रस्ताव फिर्ता लिएको थियो । अब निधिलाई पार्टीको उपसभापति मनोनयनका लागि पनि बाटो खुला भएको छ ।

Leave a Reply

... र यो पनि ...

चक्रपथ

दुग्ध उद्योगमाथि कारबाहीको तयारी

काठमाडौं । बालाजु क्षेत्रका दुग्ध उद्योगको गुणस्तरमा समस्या देखिएको पत्ता लागेको छ । सोमबार सरकारी टोलीले गरेको अनुगमनका क्रममा यस क्षेत्रभित्र खासगरी निजी क्षेत्रबाट सञ्चालित- ...
पूरा पढ्नुहोस्

स्रष्टा र सिर्जना

पल्टनघरका नारी स्रष्टाहरू

नेपाल अंग्रेज (इस्ट इन्डिया कम्पनी) युद्ध समाप्तिपछि ब्रिटिस सेनामा गोर्खा भर्ती सुरु भएको २ सय २ वर्ष भएको छ । गोर्खा भर्ती परम्पराले धेरै लामो यात्रा पार गरेको छ । यति लामो यात्रा- ...
पूरा पढ्नुहोस्

नयाँ पुस्तक

मानिससँग संवाद

राधाकृष्ण भट्टराईको लेखन मान्छेको वरिपरि घुम्छ । मानिसभन्दा पर उनको लेखन–क्षितिज उज्यालिँदैनन् । मान्छेका पीडा, व्यथा, खुसी, उल्लास, दैनन्दिन क्रियाकलापहरूलाई सिर्जनाको आकाशमा- ...
पूरा पढ्नुहोस्

छोटकरीमा