३१ आश्विन २०७१, शुक्रबार १०:०९ बुधवार साप्ताहिक, नयाँबानेश्वर, काठमाण्डौं

जनकविकेशरी रहेनन्

काठमाडौं । लोकजीवनका भाकालाई टिपेर लोकजीवनमै भिजेका लोकप्रिय गायक धर्मराज थापाको मंगलबार बिहान ९२ वर्षको उमेरमा निधन भएको छ । लोकसाहित्यका ती अथक साधकलाई सरकारले जनकविकेशरी पदवीले सम्मानित गरेको थियो ।
१९८१ मा पोखरामा जन्मिएका थापाले हरियो डाँडामाथि हलो जोत्ने साथी, धुरुधुरु नरोऊ आमा…, आज मादल बजेको किन, हाम्रो तेञ्जिङ शेर्पाले चढ्यो हिमाल चुचुरा जस्ता दर्जनौं कर्णप्रिय गीतहरू गाएका छन् ।
जगदम्बाश्री पुरस्कारका साथै थुप्रै सम्मान प्राप्त थापाको शवलाई श्रद्धाञ्जली दिनका लागि मंगलबार कमलादीस्थित नेपाल प्रज्ञा प्रतिष्ठान परिसरमा राखिएको थियो । थापाको निधनबाट नेपाली संगीत क्षेत्रले एक नक्षत्र गुमाएको भन्दै विभिन्न क्षेत्रका श्रद्धाञ्जली प्रकट भएको छ ।