१४ श्रावण २०७२, बिहीबार ०८:५८ बुधवार साप्ताहिक, नयाँबानेश्वर, काठमाण्डौं

‘नामांकन र सीमांकनमा अल्झिनु हुँदैन’

धनकुटा । नेकपा (एमाले)का उपमहासचिव विष्णुप्रसाद पौडेलले देशलाई गतिशील बनाउन यही साउन मसान्तभित्रमा जनमुखी संविधान निर्माण गरेरै छाडनुपर्ने बताउनुभएको छ ।
एमाले धनकुटाले ३७आँै पुष्पलाल स्मृति दिवसका अवसरमा आयोजना गरेको कार्यक्रममा नेता पौडेलले नामांकन र सीमांकनसहितको संविधान जारी गर्नुपर्ने आवश्यक  भए पनि त्यसैका कारणले संविधान निर्माणमा अलमल गर्न भने नहुने बताउनुभयो ।
कार्यक्रममा वाम–प्रजातान्त्रिक आन्दोलनका क्रममा कारागार परेका जिल्लाका तत्कालीन ५९ राजबन्दीलाई सम्मान तथा अभिनन्दन (१९लाई मरणोपरान्त) गरिएको थियो ।  कार्यक्रममा विभिन्न दल परित्याग गरी एमालेमा प्रवेश गर्ने एक सय बढी नेता तथा कार्यकर्तालाई स्वागत गरिएको थियो । यसैबीच, संघीय समाजवादी पार्टी र मधेसी जनअधिकार फोरम नेपालबीच एकता भएपछि असन्तुष्ट रहँदै आएका संघीय समाजवादी पार्टीका जिल्ला सचिव मीनबहादुर लामासहितका कार्यकर्ता एमालेमा प्रवेश गरेका छन् । एमाले प्रवेश गर्नेमा तत्कालीन समाजवादी पार्टीका  जिल्ला  सदस्य रघुवीर गुरुङ, आसबहादुर गोले तामाङ, गणेश गुरुङ, क्षेत्रीय कमिटी सदस्य मीनबहादुर महतो र रुमकान्त श्रेष्ठ छन् ।