२ पुष २०७६, बुधबार ०५:२२ बुधवार साप्ताहिक, नयाँबानेश्वर, काठमाण्डौं

ठाकुरलाई रोक्ने खेलमा शर्वेन्द्र

काठमाडौं । प्रहरी महानिरीक्षक सर्वेन्द्र खनाल आजको ५४ दिनपछि अवकाश हुने भएपछि अनेक खालका खुद्रा षड्यन्त्रमा लाग्न थालेका छन् । उनले विशेष परिस्थितिमा सरकारले आफ्नो अवधि ६ महिना थप्न सक्ने सम्भावनाका अड्कलबाजी मिसिएको मनोगत प्रचार गराउँदै हिँड्ने मात्र होइन, त्यति गर्न सके एआइजी ठाकुर ज्ञवालीलाई आइजी हुनबाट रोक्न सकिने सम्भावनाका खेल खेल्न लिप्त भएर लागेको बुझिएकोे छ ।
हाल डिआइजी रहेका ज्ञवालीसँग पुरानो रिसिइबी साँध्न उनले यो तिकडम रचेर षड्यन्त्रसमेत सुरु गरिसकेको बताइन्छ । एसएसपी हुँदा कर्मचारी प्रशासन शाखामा रहेका र राम्रो क्याडर मानिएका ज्ञवालीलाई पूर्वआइजिपी प्रकाश अर्यालसँगको रिसिइबी साँध्ने औजार बनाएको थाहा भएको छ । दाङ घर भएका अर्याल र ज्ञवाली दुवैको पुरानो सम्बन्धका कारण अर्यालको रिस ज्ञवालीलाई आईजी बन्न नदिएर फेर्ने दाउमा आइजिपी खनाल रहेको प्रधान कार्यालयतिर चर्चा छ ।
आफ्नो कार्यकालभरि निर्मला पन्तको हत्यारा पत्ता लगाउन नसक्नेदेखि सरुवा बढुवा निष्पक्ष गर्न नसकेकोलगायत दर्जनभन्दा बढी आरोप आइजिपी खनालमाथि लाग्दै आएको छ ।