२८ श्रावण २०७७, बुधबार ०५:२४ बुधवार साप्ताहिक, नयाँबानेश्वर, काठमाण्डौं

कलाप्रति प्रवीणको मोह

२०७६ चैत ११ गतेबाट नेपालमा लकडाउन सुरु भएलगत्तै विभिन्न पेसामा ठूलो हानि नोक्सानी पु¥यायो । अझ भनौ विश्वभरि नै महामारीका रूपमा फैलिएको कोरोना भाइरसले विभिन्न क्षेत्रलाई असर गर्नुको साथै मनोरञ्जन क्षेत्र पनि अछुतो रहन सकेन । २०७७ साउनपछि लकडाउन खुलेसँगै मनोरञ्जन क्षेत्र पनि बिस्तारै गति लिन थालेको छ । यसै क्रममा विगत लामो समयदेखि कलाकारिता क्षेत्रमा रमाइरहेका कलाकार तथा नायक प्रवीण एनबीले भर्खरै दुईवटा म्युजिक भिडियोमा अभिनय गरेका छन् ।
सुन्दर वस्तुको शब्द, राजकुमार यादवको संगीत, रमेश कुमारको स्वर रहेको एल्बममा ‘माया गर्ने मान्छे…’ र ‘दुनियाँ यो दुनियाँ पापी दुनियाँ’ भन्ने दुईवटा गीतको छायांकन समाप्त गरेका छन् । उक्त म्युजिक भिडियोलाई घनश्याम तिमिल्सिनाले निर्देशन गरेका हुन् । कलाकार प्रवीणलाई सुस्मिता ध्यान र सुबित पुरीले साथ दिएका छन् । रामकृष्ण कँडेलले छायांकन गरेका हुन् । प्रवीण भन्छन् यदि यो विश्वमा यो अवस्था नआइदिएको भए मेरो थुप्रै काम गर्ने लगभग पक्कापक्की भइसकेको थियो । के गर्नु अब बिस्तारैबिस्तारै गर्नुपर्छ । कलाकार प्रवीणले यसअघि टेलिचलचित्र वंश, गहना, तातो न छारो, धेरै म्युजिक भिडियो र ठूलो पर्दाको चलचित्र धनवान्, वीरबहादुर दंग पर्छ आदिमा आफ्नो अभिनयको क्षमता प्रस्तुत गरिकेका छन् ।
दाङ जिल्लाको दंगीशरण गाउँपालिका–६ मा जन्मिएका कलाकार प्रवीण विगत लामो समयदेखि आफ्नो कर्मथलो काठमाडौंलाई बनाउँदै आएका छन् । त्यसो त प्रवीणले ‘वंश’ नामक टेलिसिरियलबाट आफ्नो परिचय दिइसकेका छन् । ‘वंश’मा उनले गरेको अभिनयलाई लिएर निकै नै नि वाहवाह भएको थियो ।
अभिनयमा धेरै रुचि राख्दै आएका प्रवीणलाई टेलिसिरियलमा चित्त नबुझेपछि ठूलो फिल्ममा खेल्ने पनि चाहना राखेका छन् । ‘धनवान्’ ‘वीरबहादुर दंग पर्छ’ मा अभिनय गरेर दर्शकको मन जित्न सफल भएका छन् । फिल्ममा पुराना नायकहरू सुशील क्षेत्री, दिनेश शर्माजस्ता कलाकारहरूसँग नायक भएर काम गर्न आफूलाई चुनौती भएको प्रवीणको कथन थियो । अहिले प्रवीण तेस्रो फिल्म ‘सेवक’मा अभिनय गर्दैछन् । ‘सेवक’को सम्पूर्ण तयारी पूरा भइसकेको छ । केही प्रविधिक काम सकिनेबित्तिकै छायांकनमा जाने उनले बताएका छन् ।
२०५७ सालमा काठमाडौं आएका प्रवीणलाई ‘सानैदेखि फिल्म खेल्न सपना रहेको थियो । काठमाडौं आएपछि उनको सपनाहरू एकपछि अर्को गर्दै पूरा हुँदै गएको बताएका छन् । मिलनसार प्रवीण सधै लो प्रोफाइलमा बस्न रुचाउँछन् । फिल्मबाट चिनिने उनको सपना छ । भविष्यमा पनि प्रवीणले आफूलाई कला क्षेत्रमा नै सक्रिय बनाउने बताएका छन् । भन्छन्, ‘कला क्षेत्रले नै मलाई चिनाएको छ । यो क्षेत्र छाड्दिनँ ।’