२१ आश्विन २०७७, बुधबार ०६:५१ बुधवार साप्ताहिक, नयाँबानेश्वर, काठमाण्डौं

पत्रकारलाई औषधोपचार सहयोग

काठमाडौं । प्रेस काउन्सिल नेपालअन्तर्गत पत्रकार कल्याण कोष उपसमितिको बैठक सम्पन्न भएको छ । काउन्सिल सचिवालय सञ्चारग्राममा कार्यवाहक अध्यक्ष गोपाल बुढाथोकीको अध्यक्षतामा बसेको बैठकमा औषधोपचार सहयोग सम्बन्धमा प्राप्त निवेदनअनुसार छलफल भई निर्णय भएको छ । बैठकको निर्णयअनुसार औषधोपचार सुविधाबापतको रकम घनश्याम आचार्य (काठमाडौँ), महेशप्रसाद अवस्थी (बैतडी), किरणमान बज्राचार्य (कपिलवस्तु), वनराशी बर्मा (कपिलवस्तु), शर्सिला विश्वकर्मा (काठमाडौँ), हरिबहादुर लम्जेल (धनकुटा), अजयसन्तोषी राई (धनकुटा), ध्रुव्र बिसी (अछाम), दीपेन्द्र शर्मा (सुर्खेत), प्रतीक्षा शर्मा (ललितपुर), जीवनकुमार पराजुली (काठमाडौं), लालप्रभात चलाउने (पूर्वसचिव, नेपाल पत्रकार महासंघ) अर्मेन्द्रकुमार यादव (काठमाडौंं) लाई प्रदान गर्ने निर्णय गरेको छ ।
बैठकमा उपसमिति सदस्य राजेश मिश्र, सदस्य डा. लोचन कार्की, सदस्य झवीन्द्र भुसाल, सचिव राधेश्याम अधिकारीको उपस्थिति थियो ।