२२ पुष २०७७, बुधबार १०:५२ बुधवार साप्ताहिक, नयाँबानेश्वर, काठमाण्डौं

प्रभु क्यापिटल सेयर निष्कासन तथा बिक्री प्रबन्धकमा नियुक्त

काठमाडौं । पिपुल्स पावर लिमिटेडको सेयर निष्कासनका लागि प्रभु क्यापिटल लिमिटेड निष्कासन तथा बिक्री प्रबन्धकमा नियुक्त भएको छ । पिपुल्स पावरले सर्वसाधारणलाई जारी गर्न लागेको सेयरको सार्वजनिक निष्कासन गर्ने कार्यका लागि प्रभु क्यापिटललाई सेयर निष्कासन तथा बिक्री प्रबन्धकमा नियुक्त गरेको हो । नियुक्तिसम्बन्धी सम्झौता सम्पन्न भएको छ । सम्झौतामा पिपुल्स पावरको तर्फबाट सञ्चालक सन्तोष राज नेपाल तथा प्रभु क्यापिटलको तर्फबाट प्रबन्ध निर्देशक दिनेश थकालीेले हस्ताक्षर गरेका छन् । पिपुल्स पावर लिमिटेडले इलाम जिल्लाको इलाम नगरपालिकामा पुवाखोलामा ४.९६ मेगावाटको आयोजना निर्माण गरिरहेको छ । यो आयोजनाको भौतिक प्रगति ८० प्रतिशत सम्पन्न भइसकेको छ ।